ল’কডাউনক লৈ মোদী চৰকাৰক সমালোচনা প্ৰাক্তন বিত্ত মন্ত্ৰী পি চিদাম্বৰমৰ

কংগ্ৰেছৰ জ্যেষ্ঠ নেতা তথা দেশৰ প্ৰাক্তন বিত্ত মন্ত্ৰী পি চিদাৰম্বৰমে প্ৰধানমন্ত্ৰী নৰেন্দ্ৰ মোদীয়ে ঘোষণা কৰা ২১ দিনীয়া ল’কডাউনৰ সংক্ৰান্তত মুখ খুলিছে।

মুখ খুলিয়েই প্ৰাক্তন বিত্ত মন্ত্ৰীগৰাকী মোদী চৰকাৰ বিৰুদ্ধে সোচ্চাৰ হোৱা পৰিলক্ষিত হৈছে।

চিদাৰম্বৰমৰ মতে ল’কডাউনৰ সময়ছোৱাত দৰিদ্ৰ শ্ৰেণী লোকৰ বাবে কোনোধৰণৰ ব্যৱস্থা নকৰি মোদী চৰকাৰে এই শ্ৰেণীৰ জীৱন জীৱিকাক সম্পূৰ্ণ উপেক্ষা কৰিছে।

‘দৈনিক আয়ৰ ওপৰত নিৰ্ভৰশীল ২৩ শতাংশ(CMIE) কৰ্মহীন দৰিদ্ৰ লোকক চৰকাৰে অতি শীঘ্ৰেই নগদ ধন অথবা সম্পদ বিতৰণ কৰক।’ নিজৰ টুইটাৰ একাউন্টত টুইট কৰি এইদৰে কয় চিদাৰম্বৰমে।

23% बेरोजगारी दर(CMIE) और दैनिक मजदूरी या आय पर एक फ्रीज के साथ, सरकार को तुरंत गरीबों को संसाधन और प्रतिपूर्ति (नकद देना) देना होगा।
सरकार की दयनीय और क्रूर लापरवाह दृष्टिकोण ने गरीबों की कठिनाइयों को बढ़ा दिया है।

— P. Chidambaram (@PChidambaram_IN) April 8, 2020

চিদাম্বৰমৰ মতে দৰিদ্ৰ শ্ৰেণীৰ দুৰ্ভোগ দূৰ কৰিবলৈ চৰকাৰে কাৰ্যকৰী পদক্ষেপ লোৱাত হেমাহি কৰিছে।

অৱেশ্যে চিদাৰম্বৰমে ১৪ এপ্ৰিলৰ পিছত ল’কডাউনৰ ম্যাদ বৃদ্ধি কৰা নকাৰ সিদ্ধান্ত গ্ৰহণৰ ক্ষেত্ৰত ৰাজ্যিক চৰকাৰসমূহৰ লগত আলোচনা কৰাৰ বাবে কেন্দ্ৰীয় চৰকাৰক সাধুবাদ দিছে।

চিদাম্বৰমে এই কথা উনুকিয়াই দিছে যে ল’কডাউনৰ ক্ষেত্ৰত চৰকাৰে দৰিদ্ৰ লোকৰ হাতত নগদ ধন তুলি দিয়াৰ আঁচনি যুগুত কৰাত বিফল হৈছে।