লকডাউনৰ ফলত মাকৰ ঘৰত আৱদ্ধ হৈ পৰিল পত্নী; স্বামীয়ে কৰিলে আত্মহত্যা

পত্নী মাকৰ ঘৰলৈ গৈ লকডাউনৰ বাবে আৱদ্ধ হৈ পৰাৰ পাছত পত্নীক লগ নোপোৱাৰ বেজাৰত স্বামীয়ে আত্মহত্যা কৰাৰ এক ঘটনা সংঘটিত হৈছে।

আৰক্ষীয়ে জানিবলৈ দিয়া মতে এজন ব্যক্তিয়ে তেওঁৰ পত্নীয়ে মাকৰ ঘৰলৈ গৈ লকডাউনৰ বাবে আৱদ্ধ হৈ পৰাত নিজৰ কোঠাতে চিলিঙত চিপ লৈ আত্মহত্যা কৰে।

এই ঘটনা উত্তৰ প্ৰদেশৰ ৰাধা কুণ্ড অঞ্চলত বুধবাৰে সংঘটিত হৈছে। আত্মহত্যা কৰা লোকজনক ৰাকেশ ছোনি (৩২) বুলি চিনাক্ত কৰা হৈছে।

জানিব পৰা মতে, ছোনিৰ পত্নীয়ে তেওঁৰ মাকৰ ঘৰলৈ যোৱাৰ পাছত লকডাউনৰ বাবে আৱদ্ধ হৈ পৰিছিল।

পত্নী মাকৰ ঘৰত আৱদ্ধ হৈ পৰাৰ পাছত পত্নীক লগ নোপোৱাৰ বাবে ছোনিয়ে আত্মহত্যা কৰে।

আৰক্ষীয়ে জানিবলৈ দিয়া মতে ঘটনা সন্দৰ্ভত তদন্ত চলাই থকা হৈছে।

উল্লেখযোগ্য যে কৰ’না ভাইৰাছৰ সংক্ৰমণ ৰোধৰ বাবে প্ৰধান মন্ত্ৰী মোদীয়ে যোৱা ২৪ মাৰ্চত ২১ দিনৰ বাবে দেশজোৰা লকডাউনৰ ঘোষণা কৰিছিল।