ক’ৰ’না ভাইৰাছ; এইবাৰ দুটা মেকুৰীৰ শৰীৰত ধৰা পৰিছে কোবিড১৯
বুধবাৰে নিউয়ৰ্কত দুটা মেকুৰীৰ শৰীৰত ধৰা পৰিছে ক’ৰ’না ভাইৰাছৰ উপস্থিতি।
ইণ্ডিয়া টুডে’ই আমেৰিকা যুক্তৰাষ্ট্ৰৰ চৰকাৰী সূত্ৰৰ উদ্ধৃতি দি প্ৰকাশ কৰিছে যে যোৱা বুধবাৰে দেশখৰ দুটা মেকুৰীৰ শৰীৰত কোভিড১৯ পজিটিভ পোৱা গৈছে।
মেকুৰী দুটা দেশখনৰ দুখন ভিন্ন ঠাইৰ বুলি জানিব পৰা গৈছে।
আমেৰিকা যুক্তৰাষ্ট্ৰৰ ডিপাৰ্টমেন্ট অৱ এগ্ৰিকালচাৰ আৰু ফেডাৰেল চেন্টাৰ্ছ ফ’ৰ ডিজিছ ক’ন্ট্ৰল এণ্ড প্ৰিভেনশ্যনই প্ৰকাশ কৰা তথ্য যঅনুসৰি মৃদু স্বাস-প্ৰশ্বাসজনিত সমস্যাত আক্ৰান্ত মেকুৰী দুটাৰ শৰীৰলৈ ক’ৰ’নাক্ৰান্ত গৃহস্থ অথবা চুবুৰীয়াৰ পৰা এই ভাইৰাছবিধ সংক্ৰমিত হৈছে।
পশু চিকিৎসাৰ পৰীক্ষাগাৰত মেকুৰী দুটাৰ শৰীৰৰ নমুনা পৰীক্ষা হৈছিল।
উল্লেখ্য যে, ইতিমধ্যে ব্ৰ’নক্স চিৰিয়াখানৰ কিছু বাঘ আৰু সিংহৰ শৰীৰত ক’ৰ’না ভাইৰাছৰ উপস্থিতি ধৰাৰ পিছত বিশ্বজুৰি কিছু বন্যপ্ৰাণীৰ শৰীৰত এই ভাইৰাছৰ উপস্থিতি নিশ্চিত কৰা হৈছে।
লগতে পঢ়ক : কৰ’না ভাইৰাছৰ পৰা সাৰি নগ’ল বাঘো; শৰীৰত ধৰা পৰিল COVID-19 পজিটিভ
ইফালে আমেৰিকাৰ চৰকাৰী সূত্ৰই প্ৰকাশ কৰিছে মানুহৰ শৰীৰ পৰা কিছু প্ৰাণীৰ শৰীৰলৈ ক’ৰ’না ভাইৰাছ সংক্ৰমিত হৈছে যদিও বৰ্তমানলৈকে জন্তুৰ শৰীৰৰ পৰা জন্তু অথবা মানুহলৈ সংক্ৰমণৰ কোনো তথ্য লাভ কৰা নাই।
দুটা মেকুৰীৰৰ শৰীৰত কোভিড১৯ পোৱাৰ পিছত দেশখনত ঘৰুৱা কুকুৰ আৰু মেকুৰীবোৰক নিজৰ ঘৰতে আৱদ্ধ কৰিবলৈ কোৱা হৈছে।
চিকিৎসা বিজ্ঞানীসকলে মানৱ শৰীৰ আৰু জন্তুৰ শৰীৰত আৱিষ্কৃত ক’ৰ’না ভাইৰাছৰ মাজত কিবা যোগসূত্ৰ আছে নেকি সেই অধ্যয়ন অব্যাহত ৰাখিছে।
You may also like
দিল্লীত প্ৰদূষণ নিয়ন্ত্ৰণ কৰিবলৈ কেজৰিৱাল চৰকাৰৰ ১৫ দফীয়া আঁচনি ঘোষণা
প্ৰদূষণে গ্ৰাস কৰা দিল্লীত প্ৰদূষণ নিয়ন্ত্ৰণ কৰিবলৈ অৰবিন্দ কেজৰিৱাল নেতৃত্বাধীন আপ চৰকাৰে প্ৰদূষণৰ মোকাবিলা কৰিবলৈ এক ১৫ দফীয়া কাৰ্যসূচী প্ৰকাশ কৰিছে। মুখ্যমন্ত্ৰী…
ৰঞ্জন গগৈ উচ্চতম ন্যায়ালয়ৰ মুখ্য ন্যায়াধীশ হোৱাৰ পথত আশংকা প্ৰকাশ জ্যেষ্ঠ ন্যায়াধীশৰ
উচ্চতম ন্যায়ালয়ৰ জ্যেষ্ঠ ন্যায়াধীশ ৰঞ্জন গগৈ যদিহে দেশৰ পৰৱৰ্তী মুখ্য ন্যায়াধীশৰূপে নিযুক্ত নহয়, তেনেহ’লে ৩ মাহ পূৰ্বে ৪ জনীয়া ন্যায়াধীশৰ দলটোৱে ন্যায়পালিকাৰ…
খিলঞ্জীয়াৰ হৈ মাত মতাটো দল বিৰোধী হোৱা নাই: ৰাজ্যিক বিজেপি মুখপাত্ৰ আৱাল
দলীয় পদবীত থকা অৱস্থাত আন মঞ্চৰ হৈ খিলঞ্জীয়াৰ বাবে মাত মতাত কোনো দল বিৰোধিতা দেখা নাই অসম প্ৰদেশ বিজেপিৰ মুখপাত্ৰ মমিনুল আৱালে।…
এটা বৰ্বৰ হত্যাকাণ্ডৰ মৃত্যুদণ্ডৰ নিৰ্দেশ কাৰ্যকৰীকৰণত স্থগিতাদেশ সৰ্বোচ্চ ন্যায়ালয়ৰ
উচ্চতম ন্যায়ালয়ে এটা বৰ্বৰ হত্যাকাণ্ডত জড়িত এজন অপৰাধীৰ মৃত্যুদণ্ডৰ নিৰ্দেশ কাৰ্যকৰীকৰণত স্থগিতাদেশ জাৰি কৰিছে। বুধবাৰে সৰ্বোচ্চ ন্যায়ালয়ৰ মুখ্য ন্যায়াধীশ এছ এ বুডবেৰ…