কোভিড-১৯ৰ ভেকচিন! স্বাস্থ্যকৰ্মীৰ ওপৰত ‘ক্লিনিকেল ট্ৰায়েল’ৰ বাবে সাজু গৱেষক

আমেৰিকাৰ টেক্সাছ এ এণ্ড এম য়ুনিভাৰ্ছিটিৰ গৱেষকে সহস্ৰাধিক স্বাস্থ্যকৰ্মীক ব্যাপকভাৱে ব্যৱহাৰ কৰি অহা টিবিৰ (যক্ষ্মাৰোগৰ) ভেকচিনৰ ‘ক্লিনিকেল ট্ৰায়েল’ৰ চতুৰ্থ পৰ্যায়ত অংশ ল’বলৈ কৈছে।

এই ভেকচিনৰ দ্বাৰা ৰোগ প্ৰতিৰোধ ক্ষমতা বৃদ্ধি পাব পাৰে আৰু কোভিড-১৯ৰ বিপদজনক প্ৰভাৱ হ্ৰাস কৰা যাব পাৰে।

টেক্সাছ এ এণ্ড এম ক্লিনিকেল ট্ৰায়েলৰ ক্ষেত্ৰত প্ৰথম আমেৰিকান সংস্থা যিয়ে মানুহৰ ওপৰত পৰীক্ষাৰ বাবে আনুষ্ঠানিক অনুমতি লাভ কৰিছে।

গৱেষকসকলৰ আশা যে বেছিলছ কেইলমেট-গুৱেৰিন বা বিচিজিয়ে কৰ’না ভাইৰাছৰ প্ৰভাৱ হ্ৰাস কৰিব পাৰে। ইয়াৰ ফলত কোভিড-১৯ৰ বাবে হাস্পাতলত ভৰ্তি হ’বলগীয়া ৰোগীৰ সংখ্যা কম হোৱাৰ লগতে মৃত্যুৰ সংখ্যাও হ্ৰাস পাব।

য়ুনিভাৰ্ছিটিখনে জানিবলৈ দিয়ে যে গৱেসকসকলে ভেকচিনটো আন কোনো ৰোগৰ চিকিৎসাৰ বাবেও অনুমতি বিচাৰিছে। ইয়াৰ প্ৰয়োগ মুত্ৰাশয়ৰ কেন্সাৰৰ চিকিৎসাতো কৰা হয়।

য়ুনিভাৰ্ছিটিৰ পৰা জানিবলৈ দিয়া মতে বিচিজি মাত্ৰ ছয় মাহতে কোভিড-১৯ৰ বিৰুদ্ধে যুঁজত ব্যাপক ৰূপত ব্যৱহাৰৰ বাবে সুলভ হৈ পৰিব পাৰে কিয়নো এইটো পূৰ্বৰে পৰা আন ব্যৱহাৰৰ ক্ষেত্ৰত সুৰক্ষিত বুলি বিবেচিত হৈছে।

টেক্সাছ এ এণ্ড এম হেল্থ ছায়েন্স চেন্টাৰৰ অধ্যাপক ডাঃ জেফ্ৰি ডি ছিৰিলোৱে কৈছে যে অহা দুই তিনি বছৰত ই এক বৃহৎ পাৰ্থক্য কঢ়িয়াই আনিব পাৰে কিয়নো কোভিড-১৯ৰ বাবে এক বিশেষ ভেকচিনৰ বিকাশ কৰি থকা হৈছে।

অধ্যাপক ছিৰিলোৱে লগতে কয় যে বিচিজিৰ উদ্দেশ্য কৰ’না ভাইৰাছৰ চিকিৎসা কৰাটো নহয় বৰঞ্চ এটা ভেকচিন বিকশিত হোৱালৈকে এই সময়খিনি পূৰ কৰা যাতে আমি ভেকচিন বিকশিত কৰাৰ বাবে সময় পাও।

বাতৰি অনুসৰি, চলিত সপ্তাহতে ক্লিনিকেল ট্ৰায়েল আৰম্ভ হ’ব আৰু সৰ্বপ্ৰথমে স্বাস্থ্যকৰ্মীৰ ওপৰত ইয়াৰ পৰীক্ষা কৰা হ’ব।

অধ্যাপক ছিৰিলোৱে কয় যে ই লোকক সংক্ৰমিত কৰাটো ৰোধ নকৰে। এই ভেকচিনে মানুহৰ শৰীৰত ৰোগ প্ৰতিৰোধ ক্ষমতা বৃদ্ধিৰ সামৰ্থ ৰাখে।