মৰিয়নীত নাগালেণ্ডলৈ নিয়া অবৈধ সুৰা, গাড়ী জব্দ

তৃতীয় পৰ্যায়ৰ লকডাউন চলি থকা অৱস্থাতে যোৰহাট জিলাৰ মৰিয়নীৰ অসম নাগালেণ্ড সীমান্তৱৰ্ত্তী এলেকাত নাগালেণ্ডলৈ কঢ়িয়াই নিয়া অবৈধ সুৰা জব্দ হৈছে।

নিউ সোণোৱাল খণ্ড বন বিষয়া কাৰ্যালয়ৰ সন্মুখত অসম আৰক্ষীৰ নিয়মীয়া তালাচীত ধৰা পৰা মৰিয়নীৰ পৰা অবৈধ বিলাতী সুৰা লৈ যোৱা এল্ট’ গাড়ীখনো আৰক্ষীয়ে জব্দ কৰে।

জব্দ কৰা অবৈধ বিলাতী সুৰাৰ কাৰ্টনত বিভিন্ন ব্ৰেণ্ডৰ ৪২টা দামী সুৰাৰ বটল আছিলl

জব্দ কৰা এল্ট’ গাড়ীখনৰ নম্বৰ হৈছে AS 03 C 1355 (l)

জানিব পৰা মতে, আপং জমিৰ নামৰ লোকজনৰ লগতে আকুম চান্দিৰ নামৰ নাগালেণ্ড আৰক্ষীৰ এজন লোকে এই সুৰাখিনি নাগালেণ্ডলৈ বুলি কঢ়িয়াই লৈ গৈছিল।

মৰিয়নী আৰক্ষীয়ে পাছত সুৰাসহ এজন ব্যক্তিক আবকাৰী বিভাগক চমজাই দিয়ে যদিও আনজন ব্যক্তিক নিজৰ জিম্মাত ৰাখে।

জানিব পৰা মতে, এই লোককেইজনে পূৰ্বতেও এনেধৰণে মৰিয়নীৰ নিউ সোণোৱালৰ পৰা নাগালেণ্ডলৈ  সুৰা সৰবৰাহ কৰি অহাৰ অভিযোগ আছেl

এই সন্দৰ্ভত আৰক্ষীয়ে তদন্ত আৰম্ভ কৰিছে।