কণ্ঠস্বৰ পৰীক্ষাৰ বাবে ফৰেনচিক লেবত হাজিৰ অখিল গগৈক
কণ্ঠস্বৰ পৰীক্ষাৰ বাবে মঙলবাৰে পুনৰ ফৰেনচিক লেবত হাজিৰ কৰোৱা হ’ল অখিল গগৈক।
গগৈৰ লগতে ধৈৰ্য্য কোঁৱৰ আৰু বিতু সোণোৱালকো হাজিৰ কৰালে কাহিলিপাৰাস্থিত ফৰেনচিকত।
ফৰেনচিকৰ চৌহদত অখিল গগৈৰ মন্তব্য “আমাৰ ওপৰত অসমৰ সকলো কা-বিৰোধী গোচৰ জাপি দিয়া হৈছে।
ইয়াৰোপৰি সকলো অসমবাসীক একত্ৰিত হ’বলৈ আহ্বান জনায় অখিল গগৈয়ে।
ইপিনে দিহিং-পাটকাই ধ্বংস হ’বলৈ দিয়া নহ’ব বুলি মন্তব্য কৰি তেওঁ সকলো কুৱাৰেন্টাইন চেণ্টাৰৰ ব্যৱস্থা উন্নত কৰিবলৈ দাবী জনায়।
তেওঁ আৰু কয় “আমাক বন্দীশালত ৰাখি এখনৰ পাছত আনখন টোলগেট খুলি থকা হৈছে, বৃহৎ নদীবান্ধ নিৰ্মাণ কৰা আৰু নতুনকৈ নিৰ্মাণৰ অনুমতি দিয়া হৈছে, অসমৰ লাভজনক তৈলক্ষেত্ৰ ব্যক্তিগত কোম্পানীৰ হাতত গতাই দিয়া হৈছে, বন্য জীৱ-জন্তুৰ মৃত্যু মুখলৈ ঠেলি দি দিহিং-পাটকাই বৰ্ষাৰণ্যত কয়লাৰ মুক্ত খননৰ অনুমোদন দিয়া হৈছে। এই সকলোবোৰ জনবিৰোধী কাম অসমবাসীক অন্ধকাৰত ৰাখি বিনা বাধাই কেন্দ্ৰীয় চৰকাৰে আগবঢ়াই নিবলৈ আমাৰ প্ৰতিবাদী কণ্ঠ ৰুদ্ধ কৰাৰ হৈছে।”
“সেয়ে অসমবাসী ৰাইজক জাতিটোৰ ভৱিষ্যতৰ কথা চিন্তা কৰি সচেতন আৰু সংগঠিতভাৱে সৰ্বাত্মক গণতান্ত্ৰিক প্ৰতিবাদ গঢ়ি তুলিবলৈ আমি বিনম্ৰভাৱে আহ্বান জনাইছো,” গগৈয়ে লগতে কয়।
উল্লেখযোগ্য যে, অসম আৰক্ষীৰ ক্ৰাইম ব্ৰান্সৰ 1/2019নং গোচৰ
আৰু ডিব্ৰুগড়ৰ নামৰূপ থানাৰ ২টা গোচৰত অখিল গগৈ আৰু সতীৰ্থকেইজনক অনা হৈছিল ফৰেনচিকলৈ।
You may also like
চেন্নাইত ৩৩৭ৰাণত অল আউট ভাৰত; ৱাশ্বিংটন সুন্দৰৰ অপৰাজিত ৮৪ৰাণ
চেন্নাইত অনুষ্ঠিত ভাৰত-ইংলেণ্ডৰ মাজৰ প্ৰথমখন টেষ্টত প্ৰথম ইনিংছত ২৪১ৰাণত আগবাঢ়ি থাকিল ইংলেণ্ড। অৱশ্যে, ইংলেণ্ডে ভাৰতক ফল’অন কৰাৰ পৰিৱৰ্তে পুনৰ বেট ধৰাৰ সিদ্ধান্ত…
ইউৰোপত প্ৰথম মহৰ পৰা জন্ম হোৱা চিকুনগুনিয়াৰ ভেকচিনত অনুমোদন
ইউৰোপ মহাদেশত মহৰ পৰা জন্ম হোৱা চিকুনগুনিয়া ৰোগৰ বিৰুদ্ধে প্ৰথমটো ভেকচিনৰ অনুমোদন দিছে ইউৰোপৰ ঔষধ নিৰীক্ষণকাৰী সংস্থা ইউৰোপীয় মেডিচিন এজেন্সীয়ে। ইয়াৰ লগতে…
অঘৈয়া হুলঃ নিতুপৰ্ণ ৰাজবংশীৰ কাৰ্টুন
নর্থ ইষ্ট নাও’ত চিত্ৰ শিল্পী নিতুপৰ্ণ ৰাজবংশীৰ কাৰ্টুন
ভোটদানৰ হাৰ জানিবলৈ নিৰ্বাচন আয়োগে সংযোগ ঘটাইছে নতুন প্ৰযুক্তি! জানো অহক কি এই প্ৰযুক্তি?
নিৰ্বাচনী আয়োগৰ ভোটদানৰ শতকৰা হাৰ শীঘ্ৰে প্ৰকাশ কৰিবৰ বাবে সংযোগ ঘটাইছে এক নতুন প্ৰযুক্তি। যাতে ভোটদানৰ শতকৰা হাৰ শীঘ্ৰে জানিব পৰা যায়।…