ম্যাদ উকলি যোৱা সচিবালয়ৰ পাছ সংলগ্ন এখন বাহনে খুন্দিয়াব লৈছিল মুখ্য মন্ত্ৰীৰ কনভয়ত

লকডাউনৰ সময়ত প্ৰশাসনে জাৰি কৰা নিশাৰ কাৰ্ফিউ উলংঘন কৰি গুৱহাটীৰ জি এছ ৰ’ডৰ ABCত ভুল পথেৰে অহা দুখন বাহনে মুখ্য মন্ত্ৰীৰ কনভয়ত খুন্দা মৰাৰ উপক্ৰম হোৱা ঘটনাই প্ৰতিক্ৰিয়াৰ সৃষ্টি কৰিছে।

জানিব পৰা মতে মুখ্য মন্ত্ৰীৰ কনভয় দিচপুৰৰ পৰা ব্ৰহ্মপুত্ৰ অতিথি শালা অভিমুখে গৈ থকা অৱস্থাত এই ঘটনাটো সংঘটিত হয়।

ঘটনাটো ঘটাৰ লগে লগে ভঙাগড় আৰক্ষীয়ে খেদি খেদি জব্দ কৰে দুয়োখন বাহন।

জব্দ কৃত গাড়ীদুখনৰ এখনৰ পৰা দুগৰাকী যুৱতী আৰু দুজন যুৱক আৰু আনখন গাড়ীৰ পৰা আন দুগৰাকীক আটক কৰে আৰক্ষীয়ে।

আটকাধীন যুৱক কেইজনৰ নাম হৰিষ বৰা, ৰূপম শৰ্মা আৰু দেৱাহস গোস্বামী বুলি জানিব পৰা গৈছে।

ইফালে জব্দ কৃত গাড়ীদুখনৰ নম্বৰ হৈছে ক্ৰমে AS-01-BK-0050 আৰু AS 01BG 1982।

তাৎপৰ্যপূৰ্ণ বিষয় এইটোৱে যে আটকাধীন যুৱক-যুৱতীৰ দলটো সম্পূৰ্ণৰূপে সুৰামত্ত অৱস্থাত আছিল আৰু জব্দকৃত গাড়ী দুখনৰ এখনত ম্যাদ ওকলা বিধানসভা সচিবালয়ৰ পাছ সংলগ্ন আছিল।

জানিব পৰা মতে আটক কৰা যুৱক এজন বাৰৰ মালিক আৰু সেয়ে তেওঁলোকে নিশাৰ কাৰ্ফিউ ভংগ কৰি বাৰৰ ভিতৰত সুৰাপান কৰিছিল।

যুৱক-যুৱতীৰ দলটোৱে GS ৰোডস্থিত তাইকা বাৰত সুৰাপান কৰি অহাৰ তথ্য লাভ কৰিছে আৰক্ষীয়ে।

আনহাতে চাৰিওজন যুৱককে বৰ্তমান ভঙাগড় আৰক্ষীয়ে সোধা পোছা অব্যাহত ৰাখিছে যদিও যুৱতী দুগৰাকীক যাবলৈ দিয়ে। প্ৰয়োজনত সোধা-পোছাৰ বাবে যুৱতী দুগৰাকীক থানালৈ মাতিব পাৰে বুলি আৰক্ষীয়ে জনায়।