চিবিআইত প্ৰথমবাৰৰ বাবে কৰ’না ভাইৰাছৰ ঘটনা; দুগৰাকী বিষয়াৰ কোভিড-১৯ পজিটিভ
চিবিআইৰ দিল্লীস্থিত মুখ্য কাৰ্যালয়ত নিযুক্ত দুগৰাকী বিষয়াৰ দেহত কোভিড-১৯ পজিটিভ ধৰা পৰা ঘটনা পোহৰলৈ আহিছে।
সূত্ৰসমূহৰ মতে, তদন্তকাৰী সংস্থাটোত প্ৰথমবাৰৰ বাবে কৰ’না সংক্ৰমণৰ ঘটনা সংঘটিত হৈছে।
বিভাগটোৰ দুৰ্নীতি নিবাৰক শাখাত নিযুক্ত কনিষ্ঠ পৰ্যায়ৰ বিষয়া দুগৰাকীৰ ছুটীত যাবলৈ দিয়া হৈছে আৰু সুস্থ নোহোৱালৈকে কোৱাৰেন্টাইনত থাকিবলৈ কোৱা হৈছে।
অৱশ্যে, জ্যেষ্ঠ বিষয়াসকলে আক্ৰান্ত সহযোগী বিষয়া দুগৰাকীৰ পৰিচয় প্ৰকাশ কৰা নাই।
সংস্থাটোৱে আক্ৰান্ত বিষয়া দুগৰাকীৰ সংস্পৰ্শলৈ অহা লোকসকলৰ সন্ধান চলাব।
তেওঁলোকক ঘৰৰ পৰাই কাম কৰাৰ পৰামৰ্শ দিয়াৰ লগতে কোৱাৰেইন্টাইনৰ নিয়ম পালন কৰিবলৈকো কোৱা হৈছে।
মাৰ্চ মাহৰ তৃতীয় সপ্তাহৰ পৰাই চিবিআইয়ে সামাজিক ব্যৱধান ৰক্ষা কৰা আৰু ছেনিটাইজেশ্যনৰ নিয়ম পালন কৰা আৰম্ভ কৰিছিল।
প্ৰতিগৰাকী ব্যক্তিৰে তাপমাত্ৰা পৰীক্ষা কৰাৰ লগতে মাস্ক পৰিধান কৰাটো বাধ্যতামূলক কৰা হৈছিল।
দেশত কৰ’না ভাইৰাছৰ সংক্ৰমণ প্ৰায় প্ৰতিটো বিভাগ তথা খণ্ডতে বিয়পি পৰিবলৈ লৈছে।
ইয়াৰ পূৰ্বে ভাৰতীয় সেনা, নৌসেনা তথা অৰ্দ্ধ সামৰিক বাহিনীৰ বিষয়াৰ মাজতো কৰ’না সংক্ৰমণৰ কেইবাটাও ঘটনা প্ৰকাশ পাইছিল।
You may also like
ক’ৰ’না আক্ৰান্ত হৈ উত্তৰপ্ৰদেশৰ প্ৰাক্তন মন্ত্ৰী ঘোৰা ৰামৰ পৰলোকপ্ৰাপ্তি
উত্তৰপ্ৰদেশৰ প্ৰাক্তন মন্ত্ৰী তথা সমাজবাদী পাৰ্টিৰ নেতা ঘোৰা ৰামৰ বৃহস্পতিবাৰে ৰাতিপুৱা ক’ৰ’নাত আক্ৰান্ত হৈ দেহাৱসান ঘটে। উত্তৰপ্ৰদেশৰ লক্ষ্নৌৰ কিং জৰ্জ মেডিকেল য়ুনিৰ্ভাৰ্ছিটিত…
গুৱাহাটী মহানগৰীত বাইক-বলেৰ’ৰ মুখামুখি সংঘৰ্ষ; এজন আহত
ল’কডাউন চলি থকাৰ মাজতে আজি গুৱাহাটী মহানগৰীত সংঘটিত এক পথ দুৰ্ঘটনাত এজন লোক আঘাতপ্ৰাপ্ত হয়। মহানগৰীৰ খাৰঘুলি বেলতল শিৱমন্দিৰৰ সমীপত দিনৰ ১১…
প্ৰবীণ অভিনেতা ঋষি কাপুৰ আৰু নাই; ৬৭ বছৰ বয়সত মুম্বাইত বিয়োগ প্ৰখ্যাত অভিনেতাগৰাকীৰ
বলিউদৰ প্ৰখ্যাত অভিনেতা ঋষি কাপুৰ আৰু নাই। ৬৭ বছৰ বয়সত প্ৰবীণ অভিনেতাগৰাকী আজি মুম্বাইত পৰলোকপ্ৰাপ্তি ঘটিছে। ককৰ্ট ৰোগত আক্ৰান্ত ঋষি কাপুৰক যোৱা…
কোকৰাঝাৰৰ সংঘৰ্ষকলৈ তদন্তৰ ইংগিত দিলে বিটিআৰ প্ৰধান প্ৰমোদ বড়োৱে
কোকৰাঝাৰ জিলাৰ উল্টাপানীত অসম আৰক্ষীৰে হোৱা সংঘৰ্ষত দুজন যুৱকৰ মৃত্যু হোৱাৰ ঘটনাক আজি পলমকৈ হলেও অতিকৈ দুখজনক বুলি দোঁহাৰিছে বিটিআৰ প্ৰধান প্ৰমোদ…