মিজোৰামত নতুনকৈ পাঁচজনৰ কোভিড-১৯ পজিটিভ; আক্ৰান্তৰ সংখ্যা ২২জনলৈ বৃদ্ধি
শুকুৰবাৰে মিজোৰামত পুনৰ পাঁচজন লোকৰ দেহত ধৰা পৰিছে কোভিড-১৯ পজিটিভ।
নতুনকৈ পজিটিভ পোৱা এই পাঁচজনৰ সৈতে ৰাজ্যখনত মুঠ কোভিড-১৯ত আক্ৰান্তৰ সংখ্যা ২২জনলৈ বৃদ্ধি পালে।
বৃহস্পতিবাৰে নমুনা পৰীক্ষা কৰা ৩৪০জন লোকৰ মাজত এই নতুন পজিটিভ ঘটনা ধৰা পৰিছে।
ইয়াৰ ভিতৰত চাৰিজন জোৰাম মেডিকেল কলেজৰ ৰোগী।
আনহাতে পঞ্চমজন লোক লুংলেইত প্ৰতিষ্ঠানিক কোৱাৰেন্টাইনত আছিল।
ৰাজ্যখনৰ তথ্য আৰু জনসংযোগ বিষয়াগৰাকীয়ে শুকুৰবাৰে ৰাতিপুৱাই তেওঁৰ অফিচিয়েল টুইটাৰ যোগে এই তথ্য নিশ্চিত কৰিছে।
আনহাতে, ৰাজ্যখনত বৰ্তমান মুঠ সক্ৰিয় আক্ৰান্ত ৰোগীৰ সংখ্যা হৈছে ২১জন।
ইয়াৰ পূৰ্বে মিজোৰামৰ প্ৰথমজন কোভিড-১৯ পজিটিভ ৰোগীক সুস্থ হৈ উঠাৰ পাছত হাস্পাতালৰ পৰা যাবলৈ দিয়া হৈছিল।
ৰাজ্যখনত কোভিড-১৯ পজিটিভ ৰোগীৰ সংখ্যা বৃদ্ধি পোৱালৈ চাই মুখ্য মন্ত্ৰীয়ে এই সংকটৰ সময়ত সকলোকে ঐক্যবদ্ধ হৈ থাকিবলৈ আহ্বান জনাইছে।
You may also like
দিল্লীৰ পাঁচ তাৰকাযুক্ত হোটেলত ২ বছৰ কটাই ফুটাকড়ি এটাও বিল নিদিয়াকৈয়ে পলাল অসমৰ প্ৰৱঞ্চক অংকুশ দত্ত!
প্ৰৱঞ্চনাৰ বলি হ’ল দিল্লীৰ এখন পাঁচ তাৰকাযুক্ত হোটেল। ৰাজধানীৰ আন্তঃৰাষ্ট্ৰীয় বিমানবন্দৰৰ ওচৰৰ সেই হোটেলখনত অসমৰ এজন ব্যক্তিয়ে এটা কোঠা ভাড়াত লৈছিল। একেৰাহে…
সদনত গৃহীত হ’ল ২০১৮-১৯’ বিত্তীয় বৰ্ষৰ বাজেট : সংখ্যালঘুৰ ধনক লৈ শাসক-বিৰোধীৰ বিতৰ্ক
২০১৮-১৯ বিত্তীয় বৰ্ষৰ বাজেট প্ৰাক্কলন বুধবাৰে সদনত গৃহীত হয়। বিত্তমন্ত্ৰী ডঃ হিমন্ত বিশ্ব শৰ্মাৰ হৈ সংসদীয় পৰিক্ৰমা মন্ত্ৰী চন্দ্ৰমোহন পাটোৱাৰীয়ে ২০১৮-১৯ চনৰ…
মণিপুৰত বৰ্তমানৰ মুখ্যমন্ত্ৰী তথা বিজেপিৰ নেতা এন বীৰেন সিং বিজয়ী, লাইভ আপডেট
মণিপুৰৰ বৰ্তমানৰ মুখ্যমন্ত্ৰী তথা বিজেপিৰ নেতা এন বীৰেন সিঙে কংগ্ৰেছৰ পি শৰৎচন্দ্ৰৰ বিৰুদ্ধে হেইংগাং আসনত প্ৰায় ১৮,০০০ ভোটত জয়ী হৈছে। মণিপুৰত ভোট…
অসমলৈ আহিলেই ভয়ংকৰ প্ৰতিবাদৰ সন্মুখীন হ’ব প্ৰধান মন্ত্ৰী নৰেন্দ্ৰ মোদী
অসমলৈ আহিলেই ভয়ংকৰ প্ৰতিবাদৰ সন্মুখীন হ’ব প্ৰধান মন্ত্ৰী নৰেন্দ্ৰ মোদী। গুৱাহাটীৰ উজানবজাৰস্থিত চহিদ ন্যাসত এক সংবাদমেল সম্বোধন কৰি এই কথা ঘোষণা কৰে…