শিৱসাগৰ আৰক্ষীৰ জালত ৬ তেলচোৰ

শিৱসাগৰ আৰু আমগুৰি আৰক্ষীৰ যৌথ অভিযানত বুধবাৰে আটক হৈছে ছয় তেলচোৰ।

আটক তেলচোৰকেইজন হল দিগেন্দ্ৰ নাথ, বেদব্ৰত গগৈ, পংকজজ্যোতি শৰ্মা, তুলন সোণোৱাল, কৃষ্ণমণি কাকতি আৰু আলিমুদ্দিন আহমেদ।

অভিযানটোত নেতৃত্ব দিছিল শিৱসাগৰ জিলাৰ অতিৰিক্ত আৰক্ষী অধীক্ষক জয়ন্ত সাৰথি বৰা, শিৱসাগৰ সদৰ থানাৰ ভাৰপ্ৰাপ্ত বিষয়া সীমান্ত বৰা আৰু আমগুৰি থানাৰ অ’চি বীৰেন বৰুৱাই।

শিৱসাগৰৰ খড়াগড়ত সংঘটিত হৈছিল এই তেল চুৰি ঘটনা।

অইলৰ তেল পৰিবাহী পাইপ ফুটা কৰি ভেল্ব লগাই সংঘটিত কৰিছিল এই চুৰি কাৰ্য।

খড়াগড় চাৰিআলিৰ সমীপত প্ৰায় দুমাহৰ পূৰ্বে অইলৰ তেল পৰিবাহী পাইপত ভেল্ব লগাই তেল চুৰি কৰি আহিছিল এই তেলচোৰ চক্ৰটোৱে।

পংকজজ্যোতি শৰ্মা নামৰ তেল চোৰটোৱে জাঁজীৰ কোনো এক স্থানত চুৰি কৰা তেলসমূহ মজুত কৰাৰ কথা প্ৰকাশ কৰে আলিমুদ্দিন আহমেদ নামৰ তেল চোৰটোৱে।

আলিমুদ্দিন নামৰ তেলচোৰটোৱে সাংবাদিকক জনোৱা মতে, শিৱসাগৰৰ কালুগাঁৱৰ খড়াগড়ৰ মাজেদি যোৱা অইল ইণ্ডিয়াৰ তেল পৰিবাহী পাইপৰ দুটা স্থানত ফুটা কৰি ভেল্ব লগাই থৈছিল তেল চোৰ চক্ৰটোৱে।

উক্ত ভেল্ভ খুলি কেইবাবাৰো তেল চুৰি কৰা কথা কয় ধৃত আমিনে।

ভেল্ব স্থাপন কৰাৰ বাবদ তেল চুৰি চক্ৰটোৱে আলিমুদ্দিনক ৩ হাজাৰ টকা দিয়া বুলিও সাংবাদিকৰ আগত প্ৰকাশ কৰে।

তেওঁ লগতে কয় পংকজ শৰ্মা নামৰ চোৰটোৱে তেলখিনি বিক্ৰী হোৱাৰ পাছত লাভৰ অংশ আলিমুদ্দিনক দিব বুলি কৈছিল।