অসমত ৪৫০০ অতিক্ৰম ক’ৰ’ণা আক্ৰান্তৰ; নতুনকৈ আক্ৰান্ত ১৯১

অসমত ৪৫১০লৈ বৃদ্ধি পালে ক’ৰ’ণা আক্ৰান্ত ৰোগীৰ সংখ্যা।

এইবাৰ একেলগে ১৯১গৰাকী লোকৰ দেহত ধৰা পৰিছে কোভিড-১৯।

এই পজিটিভ কেছসমূহ পুৱা ১১ বজাৰ পৰা নিশা ১১ বজাৰ ভিতৰত পোৱা গৈছে বুলি টুইটাৰত উল্লেখ কৰিছে স্বাস্থ্য মন্ত্ৰী হিমন্ত বিশ্ব শৰ্মাই।

অৱশ্যে কোন কোন ঠাইৰ ৰোগী এই কথা তেওঁ উল্লেখ কৰা নাই।

?Alert ~ 191 new #COVID19+ cases have been reported in Assam today between 11 am to 11 pm. Our testing continues in full swing.

↗️Total cases 4510
↗️Recovered 2411
↗️Active cases 2088
↗️Deaths 08

11:30 PM /June 16/Day’s total 201#AssamCovidCount pic.twitter.com/3zo8hdm9f4

— Himanta Biswa Sarma (@himantabiswa) June 16, 2020

অসমত ২৪১১ জন ব্যক্তি এইপৰ্য্যন্ত আৰোগ্য হৈ উঠিছে। বৰ্তমান সক্ৰিয় ৰোগীৰ সংখ্যা হৈছে ২০৮৮ জন।

অসমত কোভিড-১৯ৰ ফলত এতিয়ালৈকে আঠগৰাকী লোকৰ মৃত্যু ঘটিছে।

দিনৰ ভাগত ১০ গৰাকী লোকৰ দেহত ধৰা পৰিছে মাৰাত্মক ক’ৰ’ণা ভাইৰাছৰ উপস্থিতি।

ইয়াৰে ৩ গৰাকী ধেমাজি, তিনিগৰাকী ওদালগুৰি, শোণিতপুৰ দুগৰাকী, এগৰাকী নগাওঁ আৰু এগৰাকী হোজাইৰ।

আজিৰ দিনটোত মুঠ ২০১ গৰাকী লোক ৰাজ্যত ক’ৰ’ণাত আক্ৰান্ত হৈছে।

সোমবাৰৰ দিনা অসমত মুঠ ১৯১জন ব্যক্তিৰ কোভিড-১৯ পজিটিভ ধৰা পৰিছিল।

সেইদৰে, ৰাজ্যখনত দেওবাৰে নিশা ৬৯জন লোকৰ দেহত কোভিড-১৯ পজিটিভ ধৰা পৰিছিল।

এই কোভিড-১৯ পজিটিভ চিনাক্ত হোৱা ৬৯জন ব্যক্তিৰ ভিতৰত আছিল নগাঁৱৰ ১৬জন, ধুবুৰীৰ ১৫জন, কামৰূপৰ ১২জন, যোৰহাটৰ ১০জন, ধেমাজিৰ ৬জন, ওদালগুৰিৰ ৪জন, কামৰূপ গ্ৰাম্যৰ ৩জন আৰু বৰপেটাৰ ৩জন লোক।

তদুপৰি, দেওবাৰে দিনৰ ভাগতো ৰাজ্যখনত আন ১০৬জন কোভিড-১৯ পজিটিভ ব্যক্তি চিনাক্ত হৈছিল।

এই চিনাক্ত ব্যক্তিসকলৰ মাজত নগাঁৱৰ ৩২, কামৰূপৰ ২৮, দৰঙৰ ১৩, বৰপেটাৰ দহ, কৰিমগঞ্জৰ তিনি, লখিমপুৰৰ দুই আৰু ধেমাজি আৰু কাছাৰৰ এজনকৈ ব্যক্তি আছিল।

দেওবাৰৰ দিনটোত মুঠতে ২১৮ জন কোভিড-১৯ পজিটিভ ৰোগী চিনাক্ত হৈছিল।