কাৰাৰুদ্ধ অখিল গগৈসহ সতীৰ্থসকলৰ মুক্তিৰ দাবীৰে ৰাজ্যজুৰি কাইলৈ সাব্যস্ত কৰা হ’ব ডিজিটেল প্ৰতিবাদ
কাৰাৰুদ্ধ অখিলৰ কাৰাগাৰৰ ভিতৰত আজি অতিক্ৰম কৰিলে ২১০ টা দিন।
আজিও ৰাজ্যৰ বিভিন্ন থানাত অখিল গগৈৰ বিৰুদ্ধে ৰুজু হৈ আছে ১২ টাকৈ গোচৰ। তাৰে ৬ টা গোচৰত ইতিমধ্যে জামিন লাভ কৰিলে গগৈয়ে।
তথাপি অখিল গগৈৰ বিৰুদ্ধে এটাৰ পাছত আন এটা গোচৰ বিজেপি চৰকাৰখনে জাপি থকা বুলি গুৰুতৰ অভিযোগ বিভিন্ন জাতীয়তাবাদী দল সংগঠনৰ।
বহু জাতীয়তাবাদী দল সংগঠনে ইতিমধ্যে লকডাউনৰ মাজতে নীতি নিয়ম বা সামাজিক ব্যৱধান মানি অখিলক মুক্তিৰ দাবীৰে প্ৰতিবাদ কৰি আহিছে।
উল্লেখ্য যে, অখিল গগৈৰ লগতে তেওঁৰ সংগ্ৰামী সতীৰ্থ কৃষক মুক্তি সংগ্ৰাম সমিতিৰ সাধাৰণ সম্পাদক ধৈৰ্য কোঁৱৰ, ছাত্ৰ মুক্তিৰ সভাপতি আৰু কাৰ্যকৰী সভাপতি ক্ৰমে বিটু সোণোৱাল আৰু মানস কোঁৱৰকো কাৰাৰুদ্ধ কৰি ৰাখিছে চৰকাৰে।
ইপিনে অখিল গগৈৰ লগতে বিটু সোণোৱাল গুৱাহাটী কেন্দ্ৰীয় কাৰাগাৰত গুৰুতৰভাৱে অসুস্থ হৈ পৰিছে। কাৰাৰুদ্ধ দুয়োজন নেতাৰ শৰীৰত কোভিড১৯ লক্ষণে দেখা দিয়া বুলি সংবাদ মাধ্যমত চৰ্চা লাভ কৰিছে।
ক’ৰ’নাতংকৰ দোহাই দি যোৱা দুমাহ দিন ধৰি আটাইকেইজন কাৰাবন্দীকে পৰিয়ালৰ লোক আৰু তেওঁলোকৰ অধিবক্তাক সাক্ষাৎৰ অনুমতি দিয়া হোৱা নাই।
সংবাদ মাধ্যমত অখিল গগৈৰ অসুস্থতাৰ বাতৰি বিয়পি পৰাৰ লগে লগে চ’ছিয়েল মিডিয়াত অখিল গগৈসহ তেওঁৰ সতীৰ্থসকলক মুক্তিৰ দাবী উত্থাপন হোৱা দেখা গৈছে।
সামাজিক মাধ্যমত উত্থাপন হোৱা এই প্ৰতিবাদক অধিক সংগঠিত ৰূপ দি ৰাজ্যৰ কেবাখনো বিশ্ববিদ্যালয় আৰু মহাবিদ্যালয়ৰ শিক্ষাৰ্থী সমাজে এইবাৰ অখিল গগৈৰ লগতে সতীৰ্থসকলৰ মুক্তিৰ দাবীত ডিজিটেল প্ৰতিবাদৰ সূচনা কৰিবলৈ আগবাঢ়িছে।
এইবাৰ চ’ছিয়েল মিডিয়াত সক্ৰিয় সকলোকে ডিজিটেলি অখিল গগৈক মুক্তিৰ দাবীৰে প্ৰতিবাদ কৰিবলৈ আহ্বান জনাইছে বিশ্ববিদ্যালয় আৰু মহাবিদ্যালয়সমূহৰ শিক্ষাৰ্থী সমাজে।
কাইলৈ অৰ্থাৎ ৯ জুলাইৰ দিনা সকলোকে #justiceforAkhilGogoi #ReleaseAkhilGogoi #ReleaseAllAntiCAAProtesters লিখি প্ৰতিবাদ সাব্যস্ত কৰিবলৈ আহ্বান জনাইছে শিক্ষাৰ্থী সমাজে।
ইতিমধ্যে, গুৱাহাটী বিশ্ববিদ্যালয়, কটন বিশ্ববিদ্যালয় আৰু ডিব্ৰুগড় বিশ্ববিদ্যালয়কে ধৰি বহু শৈক্ষিক প্ৰতিষ্ঠানৰ শিক্ষাৰ্থী সমাজে এই প্ৰতিবাদৰ প্ৰতি সঁহাৰি জনাই জনসাধাৰণক টুইটাৰ আৰু ফেচবুকৰ জৰিয়তে এই হেষ্টেগ লিখি প্ৰচাৰ কৰিবলৈ এক অভিযানো চলাইছে।
কণ্ঠশিল্পী মানস ৰবীনেও সকলোকে হেষ্টেগ লিখি সামাজিক মাধ্যমত বিলাই দিবলৈ আহ্বান জনাই ফেচবুক পোষ্ট কৰা দেখিবলৈ পোৱা গৈছে।
আনহাতে, কৃষক নেতা অখিল গগৈক কাৰগাৰৰ পৰাই শিৱসাগৰ বিধানসভা সমষ্টিৰ উপ-নিৰ্বাচনত অৱতীৰ্ণ হ’বলৈ আহ্বান জনাইছে বীৰ লাচিত সেনা অসমৰ সচিব প্ৰধান শৃংখল চলিহাৰ লগতে বহু জাতীয়তাবাদী নেতাই।
ইপিনে, আজি অখিল গগৈ, ধৈৰ্য কোঁৱৰ, বিতু সোণোৱালৰ আশু আৰোগ্য কামনাৰে উজনি অসমৰ ঘৰে ঘৰে বন্তি প্ৰজ্বলন কৰা হয়।
You may also like
মণিপুৰত আকৌ অসম ৰাইফলছৰ কুখ্যাতি; এইবাৰ মহিলা আই পি এছ বিষয়াৰ গাতে হাত
এগৰাকী মহিলা আই পি এছ বিষয়াক যৌন উৎপীড়ন কৰাৰ অভিযোগ উত্থাপিত হৈছে অসম ৰাইফলছৰ এজন জোৱানৰ বিৰুদ্ধে। ঘটনাটো ঘটে ভাৰত-ম্যানমাৰ সীমান্তৰ টেংনৌপাল…
চলন্ত ৰে’লৰ দুৱাৰৰ পৰা ঠেলা মাৰি পত্নীক হত্যা : স্বামীক গ্ৰেপ্তাৰ আৰক্ষীৰ
২৬ বছৰীয়া নিজ পত্নীক চলন্ত ৰে’লৰ দুৱাৰ মুখৰপৰা গতা মাৰি পেলাই হত্যা কৰাৰ অভিযোগত এজন লোকক গ্ৰেপ্তাৰ কৰিছে আৰক্ষীয়ে। ঘটনাটো সংঘটিত হৈছে…
দূৰ্গাপূজা: প্ৰশাসনৰ এই কেইটা নিয়ম মানিলেহে অনুষ্ঠিত কৰিব পাৰিব পূজা, কি কি নিয়ম?
ৰাজ্য চৰকাৰে প্ৰকাশ কৰা শেহতীয়া এছ অ’ পিৰ ভিত্তিত কোভিড পৰিস্থিতিত সৰ্বসাধাৰণ ৰাইজৰ জীৱন আৰু স্বাস্থ্য ৰক্ষাক সৰ্বাধিক গুৰুত্ব দি আৰু সকলোৰে…
জীৱনৰ প্ৰতি মোহ আছে যদি নিৰ্বাচনৰ পৰা আঁতৰি থাকক : বিজেপি প্ৰাৰ্থীক ভাবুকি দি পোষ্টাৰ লগালে নক্সালবাদীয়ে
১৯ এপ্ৰিলত অনুষ্ঠিত হ’ব ২০২৪ চনৰ লোকসভা নিৰ্বাচনৰ প্ৰথম পৰ্যায়ৰ ভোটগ্ৰহণ। দেশৰ প্ৰায়বোৰ ৰাজ্যতে অনুষ্ঠিত হ’ব প্ৰথম পৰ্যায়ৰ ভোট গ্ৰহণ। ছত্তীশগড়তো কেইবাটাও…