চলিত বৰ্ষৰ ছেপ্টেম্বৰৰ ভিতৰতে সকলো পৰীক্ষা সম্পূৰ্ণ কৰিব গুৱাহাটী বিশ্ববিদ্যালয়ে

গুৱাহাটী বিশ্ববিদ্যালয়ে ইয়াৰ সকলোবোৰ পৰীক্ষা চলিত বৰ্ষৰ ছেপ্টেম্বৰৰ ভিতৰত সম্পূৰ্ণ কৰিব।

গুৱাহাটী বিশ্ববিদ্যালয়ৰ উপাচাৰ্য ড০ প্ৰতাপজ্যোতি সন্দিকৈয়ে ছাত্ৰ-ছাত্ৰীসকলৈ লিখা এখন পত্ৰত এই কথা জানিবলৈ দিছে।

উপাচাৰ্যগৰাকীয়ে লগতে উল্লেখ কৰিছে যে  বিশ্ববিদ্যালয় অনুদান আয়োগৰ শেহতীয়া নিৰ্দেশনা অনুসৰি সকলো ছাত্ৰ-ছাত্ৰীৰে পৰীক্ষাসমূহ অনলাইন আৰু অফলাইন দুয়োটাৰ প্ৰক্ৰিয়াৰে অনুষ্ঠিত কৰা হ’ব।

ছাত্ৰ-ছাত্ৰীসকললৈ লিখা পত্ৰখন অনুসৰি,’’পৰীক্ষাৰ সকলো পৰ্যায়তে কিছুমান প্ৰক্ৰিয়া থাকিব।‘’

বাতৰি অনুসৰি, পৰীক্ষাসমূহ ইয়াৰ কেম্পাছত থকা ১,৫০০তকৈয়ো অধিক ছাত্ৰ-ছাত্ৰীৰ লগতে বিশ্ববিদ্যালয়খনৰ স্বীকৃত ৩৫০খনতকৈয়ো অধিক কলেজত অধ্যয়ন কৰি থকা ছাত্ৰ-ছাত্ৰীৰ বাবে অনুষ্ঠিত হ’ব।

ইউ জি চিৰ নিৰ্দেশনা অনুসৰি বিশ্ববিদ্যালয়সমূহে অনলাইন, অফলাইন বা  দুয়োটাৰ সংমিশ্ৰনেৰে এক ‘মিশ্ৰিত পদ্ধতি’ অনুষ্ঠিত কৰিব লাগিব।

পৰীক্ষাসমূহ অনলাইন পৰীক্ষাসমূহৰ ‘যথোচিত সামৰ্থ’ৰে সৈতে এক ‘আছুতীয়া তথা পৰীক্ষাৰ্থীৰ-সহায়ক পদ্ধতি’ৰে অনুষ্ঠিত কৰা হ’ব বলি ড০ সন্দিকৈয়ে কয়।

‘’গুৱাহাটীত চলি থকা লকডাউন সমাপ্ত হোৱাৰ পাছত তাৎক্ষণিকভাৱে পৰীক্ষাৰ এক বিশদ পদ্ধতি তথা পঞ্জী প্ৰকাশ কৰা হ’ব। গুৱাহাটী বিশ্ববিদ্যালয়ে সকলো পৰীক্ষা প্ৰক্ৰিয়া ৩০ ছেপ্টেম্বৰ ২০২০ৰ ভিতৰত সম্পূৰ্ণ কৰাৰ পৰিকল্পনা কৰিছে,’’-পত্ৰখনত কোৱা হৈছে।

উপাচাৰ্যগৰাকীয়ে লগতে জানিবলৈ দিয়ে যে শিক্ষা প্ৰতিষ্ঠানসমূহ খুলিবলৈ অনুমতি দিয়াৰ পাছতে নামভৰ্তি, নতুন শিক্ষাবৰ্ষ আৰম্ভ কৰাকে ধৰি বিশ্ববিদ্যালয়খনে সকলো পৰি থকা কাম পুনৰ আৰম্ভ কৰিব।