অসমত ক’ভিডত আৰু সাতজনৰ মৃত্যু, মুঠ ৮৬লৈ বৃদ্ধি

সাতগৰাকী ক’ভিড-১৯ আক্ৰান্তই অসমত সোমবাৰে প্ৰাণ হেৰুৱাইছে।

ক’ভিডত মৃত্যু হোৱা লোককেইগৰাকী হৈছে— যোৰহাটৰ তুলসী প্ৰসাদ দেউৰী (৫৯), ইষ্ট কাৰ্বি আংলঙৰ জয় সিং বে (৫৯), কামৰূপ মহানগৰৰ মেভিনা বেগম (২৬), ডিব্ৰুগড়ৰ ডঃ জি এম এছ চৌধুৰী (৭২) আৰু তিনিচুকীয়াৰ অজয় মাহাত’ (৩৫), পুষ্প ৰয় (৭৫) আৰু দীনেশ চন্দ্ৰ দাস (৫০)।

এইসকল ব্যক্তিক ধৰি অসমত ক’ভিডত প্ৰাণ হেৰুওৱা লোকৰ সংখ্যা ৮৬লৈ বৃদ্ধি পাইছে।

Seven people, Tulsi Prasad Deuri (59) from Jorhat, Joy Singh Bey (59) from East K Anglong, Mevina Begum (26) from Kamrup (M), Dr GMS Chowdhury (72) from Dibrugarh, Ajoy Mahato (35), Puspa Roy (75) & Dinesh Chandra Das (50) from Tinsukia sucummed to #COVID.

Condolences ?

— Himanta Biswa Sarma (@himantabiswa) July 27, 2020

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

অসমত দেওবাৰলৈকে ৭৯গৰাকী ব্যক্তিয়ে ক’ভিডত প্ৰাণ হেৰুওৱাৰ বিপৰীতে ২৪,০৪০গৰাকীয়ে আৰোগ্য লাভ কৰিছিল।

অসমত দেওবাৰ পৰ্য্যন্ত সক্ৰিয় ক’ভিড ৰোগীৰ সংখ্যা আছিল ৮১০৬গৰাকী।

অসমত দেওবাৰলৈকে চিনাক্ত মুঠ ক’ভিড আক্ৰান্তৰ সংখ্যা হৈছে ৩২,২২৮গৰাকী।

ইয়াৰে তিনিগৰাকী আন ঠাইলৈ স্থানান্তৰিত হৈছে।