লকডাউনৰ ফলত কতৰ্ব্যত উপস্থিত থাকিব নোৱাৰা কৰ্মচাৰীৰ বাবে সকাহ প্ৰদান কৰিছে কেন্দ্ৰই

ক’ৰ’নাতংকৰ মাজতে চৰকাৰী কৰ্মচাৰীৰ বাবে কেন্দ্ৰীয় চৰকাৰে বিশেষ হেৰাই ঘোষণা কৰিছে।

আজি বুধবাৰে কেন্দ্ৰীয় চৰকাৰে এক জাননী যোগে এই ঘোষণা কৰিছে।

কেন্দ্ৰীয় পাৰ্ছনেল মন্ত্ৰালয়ে কয় যে, ক’ৰ’নাৰ প্ৰতিৰোধৰ বাবে অব্যাহত থকা প্ৰতিবন্ধকতাৰ ফলত যিসকল কৰ্মচাৰীয়ে যাতায়াতৰ সমস্যাৰ বাবে কাৰ্যালয়ত উপস্থিত হ’ব পৰা নাই তেওঁলোকক কতৰ্ব্য পালনৰ পৰা হেৰাই দিয়া হৈছে।

“যিসকল চৰকাৰী কৰ্মচাৰীয়ে ৰাজহুৱা পৰিবহণৰ বাহনৰ যাতায়াতৰ সমস্যাৰ বাবে বিভাগীয় ভ্ৰমণ সামৰিও সময় মতে দপ্তৰ বা কাৰ্যালয়ত গৈ যোগদান কৰিব নোৱাৰে তেওঁলোকে দপ্তৰক সেই বিষয়ে জনালেই হ’ব।” চৰকাৰী ঘোষণাটোত কোৱা হয়।

উল্লেখ্য যে, ক’ৰ’নাতংকৰ বাবে যোৱা ২৫ মাৰ্চত দেশত বলৱৎ কৰা ল’কডাউনৰ পূৰ্বে কৰ্মস্থল এৰি যোৱা বহু কৰ্মচাৰীয়ে ৰাজহুৱা পৰিবহণ আৰু যাতায়াত ব্যৱস্থা পুনৰ চলাচল নোহোৱাৰ ফলত দপ্তৰ বা বিভাগৰ কৰ্মস্থলীত উপস্থিত হ’ব নোৱাৰা কৰ্মচাৰীকো এই ৰেহাই প্ৰদান কৰা হ’ব।

দপ্তৰটোৰ এই ঘোষণাত তেনে কৰ্মচাৰীয়ে এই বিষয়ে অপ্ৰয়োজনীয় ৰেফাৰেন্স প্ৰেৰণক এৰাই চলিবলৈও কোৱা হৈছে।

অৱশ্যে চিকিৎসাজনিত ছুটিৰ ক্ষেত্ৰত কৰ্মচাৰীসকলে চিকিৎসাৰ প্ৰমাণ পত্ৰ বা স্বাস্থ্যৰ ফীটনেছৰ প্ৰমাণ দাখিল কৰিব লাগিব।