অসম আৰক্ষী সঞ্চালক প্ৰধান ভাস্কৰজ্যোতি মহন্ত কোভিড-১৯ পজিটিভ

আৰক্ষী সঞ্চালক প্ৰধান ভাস্কৰজ্যোতি মহন্তৰ কোভিড-১৯ পজিটিভ।

আজি কৰা এন্টিজেন টেষ্টত তেওঁৰ দেহত ধৰা পৰিছে ক’ৰ’ণা ভাইৰাছৰ উপস্থিতি।

CPRO ৰাজীৱ শইকীয়াই জনাইছে এই কথা।

মহন্তৰ দেহত ক’ৰ’ণাৰ কোনো লক্ষণ বা উপসৰ্গ দেখা দিয়া নাছিল। পূৰ্বেও কেইবাটাও টেষ্টত তেওঁৰ নিগেটিভ আহিছিল যদিও এইবাৰ পজিটিভ আহে। অৱশ্যে তেওঁ কালি সামান্য জ্বৰ ভুগিছিল।

বৰ্তমান অসম আৰক্ষী সঞ্চালক প্ৰধান গৰাকী হোম-কোৱাৰেন্টাইন আছে।

সূত্ৰৰ খবৰ অনুসৰি মহন্তৰ চালকজনৰ শৰীৰতো কোভিড-১৯ উপস্থিতি ধৰা পৰিছে।

বৰ্তমানলৈকে অসম আৰক্ষীৰ ২২৫৯ গৰাকী ক’ৰ’ণাত আক্ৰান্ত হোৱাৰ লগতে ১৭৩৪ গৰাকীয়ে আৰোগ্য লাভ কৰিছে।

ইতিমধ্যে ৬ গৰাকী আৰক্ষীয়ে কোভিড-১৯ ত মৃত্যুক আঁকোৱালি লৈছে।