পলিথিন বেগৰ বিৰুদ্ধে ডিব্ৰুগড় পৌৰ নিগমৰ অভিযান

পলিথিন বেগ ব্যৱহাৰৰ বিৰোধিতাৰে আজি ডিব্ৰুগড় পৌৰ নিগমে ডিব্ৰুগড় নগৰৰ নতুন বজাৰ এলেকাত এক অভিযান বাহিৰ কৰে। অভিযান কালত তেওঁলোকে পলিথিন বেগ ব্যৱহাৰ কৰা সকলৰ ওপৰত জৰিমনাও বিহে।

আজি চলোৱা অভিযানত ডিব্ৰুগড় পৌৰ নিগমে নতুন বজাৰ এলেকাত থকা ব্যৱসায়ীসকলৰ পৰা ৮৫,৫০০ টকা জৰিমনা সংগ্ৰহ কৰে।

উল্লেখযোগ্য যে পৰিবেশ প্ৰদূৰ্শনৰ অন্যতম প্ৰধান কাৰক পলিথিন বেগৰ ব্যৱহাৰৰ ক্ষেত্ৰত উচ্চতম ন্যায়ালয়ে ইতিমধ্যে নিষেধাজ্ঞা আৰোপ কৰি থৈছে।

ডিব্ৰুগড় জিলা প্ৰশাসনে প্লাষ্টিকৰ সামগ্ৰীৰ ওপৰত পূৰ্বতেও বহুবাৰ তালাচী চলাইছিল যদিও ইয়াৰ প্ৰচলন নিয়ন্ত্ৰণ কৰাত সফল হ’ব পৰা নাই।

 ডিব্ৰুগড় জিলা দণ্ডাধীশ লায়া মাদুৰীয়ে জাৰি কৰা এক আদেশ অনুসৰি প্লাষ্টিকৰ সামগ্ৰী ব্যৱহাৰ কৰিলে ভাৰতীয় দণ্ডবিধিৰ ১৮৮ ধাৰা আৰু আইনৰ সংশ্লিষ্ট ব্যৱস্থাৰ অধীনত শাস্তি বিহা হ’ব।

জিলা প্ৰশাসনৰ পৰা দিয়া এক প্ৰেছ বিবৃতি কোৱা হয়, ‘বিহত মাহসমূহত  জিলা প্ৰশাসনে দোকানি সকলক ৫০ মাইক্ৰনৰ তলৰ প্লাষ্টিক বেগৰ ব্যৱহাৰ বন্ধ কৰিবলৈ জাননি দিছিল। কিন্তু আজিৰ তালাচীত দোকানি সকলে ৫০ মাইক্ৰনতকে তলৰ পলিথিন বেগ ব্যৱহাৰ কৰি থকাতো ধৰা পৰে। আইন উলংঘাকাৰী সকলৰ ওপৰত জৰিমনা বিহি ডিব্ৰুগড় পৌৰ নিগমে ৮৫,০০০ সংগ্ৰহ কৰে।’