ভূতৰ ওপৰত দানহ! মালয়েছিয়াত পোৱা গৈছে দহ গুণ অধিক সংক্ৰামক কৰ’নাৰ নতুন প্ৰজাতি

কৰ’না ভাইৰাছৰ সংক্ৰমণে ইতিমধ্যে বিশ্বক আতংকিত কৰি ৰাখিছে। ইয়াৰ মাজতে মালয়েছিয়াই আৰু অধিক উদ্বিগ্ন কৰি তুলিছে বিশ্বক।

দেশখনৰ গৱেষকসকলে কৰ’নাৰ এনে অক প্ৰজাতিৰ সন্ধান পাইছে যি কৰ’নাৰ স্বাভাৱিক সংক্ৰমণৰ তুলনাত ১০গুণ অধিক বেছি সংক্ৰামক।

মালয়েছিয়াৰ স্বাস্থ্য মন্ত্ৰ্যালয়ৰ ডাইৰেক্টৰ জেনেৰেল নুৰ হিছাম আব্দুল্লাই জানিবলৈ দিয়ে যে এটা ক্লাষ্টাৰৰ ৪৫টা আক্ৰান্তৰ ঘটনাৰ মাজত তিনিটাৰ ক্ষেত্ৰত ‘ডি৬১৪জি’ মিউটেশ্যন পোৱা গৈছে।

সেয়া ভাৰতৰ পৰা উভতি যোৱা এখন ৰেষ্টুৰেন্টৰ মালিকৰ পৰা আৰম্ভ হৈছিল।

বাতৰি অনুসৰি, ১৪দিনৰ কোৱাৰেন্টাইন নিয়ম উলংঘাৰ বাবে তেওঁক পাঁচমাহৰ কাৰাদাণ্ডৰ লগতে জৰিমনাও বিহা হৈছে।

আনহাতে, এই ‘ষ্ট্ৰেন’টো আন এটা এটা ক্লাষ্টাৰতো পোৱা গৈছে য’ত ফিলিপাইনছৰ পৰা উভতি অহা লোক আছে।

আব্দুল্লাৰ মতে, নতুন ‘ষ্টেন’ৰ সন্ধান পোৱাৰ অৰ্থ হৈছে মিউটেশ্যনৰ বিৰুদ্ধে ভেকচিনপ গৱেষণা অকাৰ্যকৰী হ’ব পাৰে অৰ্থাৎ গৱেষণা বিফল হ’ব পাৰে।

গৱেষকসকলৰ মতে কেবল মালয়েছিয়াতে নহয়, য়ুৰোপ আৰু আমেৰিকাতো ‘ষ্ট্ৰেন’ৰ সন্ধান পোৱা গৈছে।

অৱশ্যে, বিশ্ব স্বাস্থ্য সংস্থাই জানিবলৈ দিছে যে এই ‘ষ্ট্ৰেন’ৰ জৰিয়তে বিয়পা বেমাৰ সিমান জটিল নহয়।

ইপিনে, ‘ছেল প্ৰেস’ জাৰ্ণেলত প্ৰকাশিত লিখনিত কিছু সকাহ দি কোৱা হৈছে যে সম্প্ৰতি যি ভেকচিন প্ৰস্তুত কৰা হৈছে সেইবিলাকৰ কৰ্যক্ষমতাৰ ওপৰত ‘ষ্ট্ৰেন’ৰ তেনে ডাঙৰ প্ৰভাৱ নপৰে।