ৰাখে হৰি মাৰে কোনে! ১৮মহলাৰ পৰা পৰিও বাচি গ’ল ৪বছৰীয়া শিশু

ৰাখে হৰি মাৰে কোনে। অৰ্থাৎ ভগৱানে বচাব খুজিলে কোনেও মাৰিব নোৱাৰে। এনে ঘটনাই ঘটিল এটি ৪বছৰীয়া দেৱশিশুৰ সৈতে।

শিশুটি ১৮মহলাত থকা নিজৰ ফ্লেটৰ পৰা খিৰিকেৰে তলত পৰিল যদিও আশ্চৰ্যজনকভাৱে শিশুটি বাচি গ’ল।

চীনৰ হুবেই প্ৰদেশৰ ছিয়াংয়াং চহৰত এগৰাকী চাৰি বছৰীয়া শিশুটি ঘৰত অকলে আছিল। পিতৃ-মাতৃ ঘৰৰ পৰা বাহিৰত থাকে।

শিশুটিয়ে চোফাত উঠে আৰু ১৮০ ফুট তললৈ সৰি পৰে।

বাতৰি অনুসৰি, চিকিৎসকে জানিবলৈ দিয়ে যে শিশুটি তলত থকা এডাল গছত আহি পৰাৰ বাবে বাচি যায়।

অৱশ্যে, শিশুটি গুৰুতৰভাৱে আঘাতপ্ৰাপ্ত হয়। হাস্পাতলত শিশুটিৰ চিকিৎসা চলি আছে যদিও বৰ্তমান শিশুটি ক্ৰমে সুস্থ হৈ উঠিছে।

শিশুটি ঘৰত আইতাকৰ সৈতে থাকে। কৰ্মসূত্ৰে পিতৃ-মাতৃ আন এখন চহৰত থাকে।

সেইদিনা আইতাকে ঘৰৰ সামগ্ৰী আনিবলৈ বাহিৰলৈ ওলাই গৈছিল। অকলে অকলে খেলি থাকোতে শিশুটি খিৰিকিৰে তললৈ পৰি যায়।

শিশুটিৰ পিতৃ-মাতৃক জৰুৰীকালীন সেৱাৰ পৰা ফোন কৰা হয়। শিশুটিৰ পিতৃয়ে জানিবলৈ দিয়া মতে তেওঁৰ মাতৃ অসহায় হৈ পৰিছিল আৰু তেওঁ একো কৰিব পৰা নাছিল। কিন্তু কেইজনমান অচিনাকি ব্যক্তিয়ে শিশুটিক এম্বুলেন্স এখনত তুলি হাস্পাতলত ভৰ্তি কৰায়।

হাস্পাতলত চিকিৎসকসকলে শিশুটিৰ অৱস্থা গুৰুতৰ বুলি জানিবলৈ দিয়ে। বৰ্তমান শিশুটি আইচিয়ুত আছে।

অৱশ্যে, শিশুটিৰ অৱস্থা বৰ্তমান ভাললৈ আহিছে আৰু চিকিৎসা কৰি থকা চিকিৎসকে ইয়াক এক চমৎকাৰ বুলি অভিহিত কৰিছে।