ধোনীৰ নিচিনাকৈ খেলপথাৰত মই মোৰ আৱেগক নিয়ন্ত্ৰণ কৰিব নোৱাৰো : ৰিকি পইণ্টিং

সদ্য অৱসৰপ্ৰাপ্ত ভাৰতীয় ক্ৰিকেট দলৰ বিশ্বকাপ বিজয়ী অধিনায়ক মহেন্দ্ৰ সিং ধোনীক উচ্চ প্ৰশংসা কৰিছে অষ্ট্ৰেলিয়াৰ বিশ্বকাপ বিজয়ী অধিনায়ক ৰিকি পইণ্টিঙে।

মহেন্দ্ৰ সিং ধোনীক প্ৰশংসা কৰি পইণ্টিঙে কয় যে, মহেন্দ্ৰ সিং ধোনীৰ নিচিনাকৈ তেওঁ খেলপথাৰত নিজৰ আৱেগক নিয়ন্ত্ৰণ কৰিব নোৱাৰে।

মই খেলপথাৰত নিজৰ আৱেগক নিয়ন্ত্ৰণ কৰি শান্ত হৈ থাকিব নোৱাৰো কিন্তু ধোনীয়ে যানে কেনেদৰে তেওঁ তেওঁৰ আৱেগক নিয়ন্ত্ৰণ কৰে।

মহেন্দ্ৰ সিং ধোনীয়ে ২০১১ চনৰ বিশ্বকাপ বিজয়ী ভাৰতীয় দলক নেতৃত্ব দিয়াৰ বিপৰীতে ৰিকি পইণ্টিঙে ২০০৩ আৰু ২০০৭ চনৰ বিশ্বকাপ বিজয়ী অষ্ট্ৰেলিয়া ক্ৰিকেট দলক নেতৃত্ব প্ৰদান কৰিছিল।

বৰ্তমান ৰিকি পইণ্টিঙে আই পি এলত দিল্লী কেপিটেলছৰ মুখ্য প্ৰশিক্ষক হিচাপে কাৰ্য্যনিৰ্বাহ কৰি আছে।

উল্লেখযোগ্য যে, ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনীয়ে ১৫ আগষ্টত আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰিছিল।

ধোনীৰ উপৰিও উক্ত দিনা দলৰ আন এগৰাকী তাৰকা ক্ৰিকেটাৰ সুৰেশ ৰাইনাইয়ো ক্ৰিকেটৰ পৰা সন্যাস গ্ৰহণ কৰিছিল।