উত্তৰ কোৰিয়াত ক’ৰণাত আক্ৰান্ত লোকক গুলীয়াই মৰাৰ নিৰ্দেশ কিম জঙৰ

যিটো সময়ত বিশ্বৰ প্ৰায় সংখ্যক দেশেই মহামাৰী ক’ৰ’ণাৰ সৈতে যুঁজ দি আছে সেই সময়তে পিছে একেখন বিশ্বৰে এখন দেশ উত্তৰ কোৰিয়াত আজিলৈকে এজনেো ক’ৰ’ণাত আক্ৰান্ত ৰোগী ওলোৱা নাই।

ক’ৰ’ণাৰ পৰা সম্পূৰ্ণ মুক্ত হৈ থকা দেশখন এতিয়া বহুতৰে বাবে হৈ পৰিছে কৌতূহলৰ বিষয়।

উত্তৰ কোৰিয়াত কিয় এজনো ক’ৰ’ণা ৰোগী নাই তাৰ ৰহস্য ফাদিল কৰিছে কোৰিয়াৰ দায়িত্বত থকা আমেৰিকাৰ এজন সেনা বিষয়াই।

US Forces Korea (USFK) ৰ কামাণ্ডাৰ ৰবাৰ্ট আব্ৰামছে শেহতীয়াকৈ প্ৰকাশ কৰা মতে উত্তৰ কোৰিয়াৰ একচ্ছত্ৰী শাসক কিম জং আনে দেশখনৰ সকলো ক’ৰ’ণাত আক্ৰান্ত লোকক গুলীয়াই হত্যা কৰাৰ নিৰ্দেশ জাৰি কৰিছে।

বিগত বৰ্ষৰ ডিচেম্বৰ মাহত চীনৰ ওহান প্ৰদেশত ক’ৰ’ণাৰ সংক্ৰমণ আৰম্ভ হোৱাৰ পিছতে জানুৱাৰী মাহত চীনৰ সৈতে থকা আন্তঃৰাষ্ট্ৰীয় সীমান্ত বন্ধ কৰি দিছিল উত্তৰ কোৰিয়াই।

সেই সময়ৰে পৰা দেশখনত যিসকল লোক ক’ৰ’ণাত আক্ৰান্ত হৈছে তেওঁলোকক গুলীয়াই হত্যাৰ নিৰ্দেশ জাৰি কৰে কিম জঙে।

সেইমৰ্মে চীন-উত্তৰ কোৰিয়া সীমান্তৰ এক বিশেষস্থানলৈ নি  দেশ খনৰ কোভিড আক্ৰান্ত ৯ লাখ ৰোগীক   নিৰ্দয়ভাৱে গুলীয়াই হত্যা কৰা বুলি আব্ৰামছে প্ৰকাশ কৰিছে।

শেহতীয়াকৈ ৱাশ্বিংটনৰ Center for Strategic and International Studies (CSIS) ৰ এখন ভাৰ্চুৱেল বৈঠকত মাৰ্কিন সেনা বিষয়া গৰাকীয়ে এই ভয়ংকৰ কথা ৰাজহুৱা কৰে।