নিৰ্বাচন সমাগত! : এইবাৰ অসমবাসীলৈ প্ৰতিশ্ৰুতিৰ খৰস্ৰোতা বান মন্ত্ৰী হিমন্ত বিশ্ব শৰ্মাৰ
সমাগত ২০২১ৰ বিধান সভাৰ নিৰ্বাচন। সেই উদ্দেশ্যে এতিয়া আঁচনিৰ বানপানী বোৱাইছে বিত্ত মন্ত্ৰী ড০ হিমন্ত বিশ্ব শৰ্মাই।
পূৰ্বে ঘোষিত ১৫ ছেপ্তেম্বৰলৈকে এসপ্তাহত একোখনকৈ সংবাদমেল সম্বোধন কৰি আঁচনি ঘোষণা কৰিম বুলি দিয়া প্ৰতিশ্ৰুতি পূৰণৰে আজিও এক সংবাদমেল সম্বোধন কৰি আঁচনি তথা প্ৰতিশ্ৰুতিৰ বন্যা বোৱাই মন্ত্ৰীগৰাকীয়ে।
সংবাদমেলত শিক্ষক নিযুক্তিৰ বিজ্ঞাপন অচিৰেই প্ৰকাশ কৰা হ’ব বুলি ঘোষণা কৰি হিমন্তই লগতে কয় ‘শিক্ষক নিযুক্তিৰ ক্ষেত্ৰত দ্বিতীয় পৰ্যায়ৰ বিজ্ঞাপন প্রকাশ পাব। প্রাথমিক শিক্ষাত ৩,৯৪৫টা (১১শ টা হিন্দী বিভাগত) শিক্ষক পদৰ বিজ্ঞাপন প্রকাশ কৰাৰ লগতে হাইস্কুলৰ বাবে ৫,৭৪৬টা শিক্ষক পদৰ বিজ্ঞাপন প্রকাশ কৰা হ’ব।’
ইপিনে, এই মাহৰ শেষৰ ফালে সৰ্বশিক্ষাৰ অধীনৰ শিক্ষকৰ বিজ্ঞাপন প্ৰকাশ পাব বুলি তেওঁ কয়।
তাৎপৰ্যপূৰ্ণভাৱে ডিচেম্বৰ মাহৰ ভিতৰতে এই শিক্ষক পদসমূহৰ নিযুক্তি সম্পূৰ্ণ হ’ব বুলি তেওঁ সংবাদমেলত দাবী কৰে।
আনহাতে, একেখন সংবাদমেলতে ৪ খন নতুনকৈ চিকিৎসা মহাবিদ্যালয় স্থাপন হ’ব বুলি ঘোষণা কৰি হিমন্তই কয় যে বিশ্বনাথ, চৰাইদেউ, গোৱালপাৰা আৰু গুৱাহাটীত নতুন মেডিকেল কলেজ স্থাপন হ’ব।
ইপিনে, উত্তৰ-পূব ভাৰতৰ সৰ্ববৃহৎ মেডিকেল কলেজ গুৱাহাটীত হ’ব বুলি উল্লেখ কৰি হিমন্তই কয় ‘গুৱাহাটীৰ MMCHক মেডিকেল কলেজলৈ উন্নীত কৰা হ’ব। এইখন হ’ব উত্তৰ পূৱ ভাৰতৰ সকলোতকৈ ডাঙৰ মেডিকেল কলেজ।‘
তেওঁ জনোৱা অনুসৰি নতুন মেডিকেল কলেজৰ বাবে ২৫০০ কোটি টকা আৱন্টন দিব ৰাজ্যৰ বিত্ত বিভাগে।
ইয়াৰোপৰি, ৰাজ্যত নতুনকৈ ৯ খন মহিলা মহাবিদ্যালয়, ১০ আইন মহাবিদ্যালয় আৰু নতুনকৈ ৬ খন স্নাতক মহাবিদ্যালয় স্থাপনৰ সিদ্ধান্ত গ্ৰহণ কৰা বুলি উল্লেখ কৰি হিমন্তই কয় ‘কাচাৰ, কৰিমগঞ্জ, হাইলাকান্দি, বৰপেটা, নগাঁও, দৰং, গোৱালপাৰা, বিলাসীপাৰা, গোলকগঞ্জ আদিত ৯ খনকৈ মহাবিদ্যালয়, লগতে তিনিচুকীয়াৰ ডুমডুমা, শোণিতপুৰৰ বৰচলা, মাজুলী, চিৰাং, ওদালগুৰি, বাক্সাত হ’ব নতুন স্নাতক কলেজ। ডিফু, ডিব্ৰুগড়, তেজপুৰ, শিলচৰ, উত্তৰ লখিমপুৰ, ৰঙিয়া, বিলাসীপাৰা, টিহু, ৰহা আৰু যোৰহাটত হ’ব নতুনকৈ আইন মহাবিদ্যালয়।‘
মহাবিদ্যালয় স্থাপনৰ বাবে ৩০৩.৩ কোটি টকা ঘোষণা কৰে মন্ত্ৰীগৰাকীয়ে। লগতে আইন মহাবিদ্যালয়ৰ বাবে ৩৩ কোটি টকা ঘোষণা কৰে মন্ত্ৰীগৰাকীয়ে।
ইপিনে, মালিগাঁৱত নতুনকৈ এখন ৪ কিঃ মিঃৰ উৰণীয়া সেতু নিৰ্মাণ হ’ব বুলি ঘোষণা কৰি মন্ত্ৰীয়ে কয় ‘তেজপুৰৰ মিছন চাৰিআলিতো হ’ব উৰণীয়া সেতু।‘
You may also like
কংগ্ৰেছ-বিজেপিৰ সৈতে সম্পৰ্ক থকা ৭০০-ৰো অধিক পেইজ, একাউণ্ট ডিলিট কৰিলে ফেইচবুকে
আগন্তুক নিৰ্বাচনৰ পৃষ্ঠভূমিত ভাৰতৰ ৰাজনীতিক প্ৰভাৱিত কৰাৰ পৰা ফেইচবুক প্লেটফ’ৰ্মক যথাসম্ভৱ দূৰত ৰখাৰ পন্থা হিচাপে ভাৰতৰ পৰা চালিত ৭০০ –ৰো অধিক পেইজ…
তেলেংগানাত ৱাইচি, নিজামক তুলাধুনা অসমৰ মুখ্যমন্ত্ৰী হিমন্ত বিশ্ব শৰ্মাৰ
দক্ষিণ ভাৰতৰ ৰাজ্য তেলেংগানাত আজি অসমৰ মুখ্যমন্ত্ৰী হিমন্ত বিশ্ব শৰ্মাই অগ্নিবৰ্ষী ভাষণ দিয়ে। শেহতীয়াকৈ তেলেংগানা চৰকাৰে গ্ৰহণ কৰা জিঅ’ ৩৭১ ৰ বিৰোধিতা…
ডবকাত মহাবিদ্যালয়ৰ নিৰ্বাচন কেন্দ্ৰিক সংঘাত : আছু আৰু এ বি ভি পিৰ সমৰ্থকৰ মাজত মাৰপিট
মহাবিদ্যালয়-বিশ্ববিদ্যালয়বোৰৰ ছাত্ৰ একতা সভাৰ নিৰ্বাচনবোৰ অধিক ৰাজনৈতিক সংঘাতৰ কঠীয়াতলীত পৰিণত হৈছে নেকি? যোৱা দুমাহৰ ভিতৰত অসমৰ কেইবাখনো মহাবিদ্যালয়ৰ ছাত্ৰ একতা সভাৰ নিৰ্বাচনত…
ঋষভ পন্তক নিৰ্বাসনত পঠিয়ালে বিচিচিআইয়ে! দিল্লী কেপিটেলছৰ নতুন নেতাৰ সন্মুখত প্ৰত্যাহ্বান
দিল্লী কেপিটেলছৰ অধিনায়ক ঋষভ পন্তক এখন মেচৰ বাবে নিৰ্বাসিত কৰিলে বিচিচিআইয়ে! ৭ মে’ত ৰাজস্থান ৰয়েলছৰ বিৰুদ্ধে লেহেমীয়া অভাৰৰেটৰ বাবে এই ঋষভক দিয়া…