মহানগৰীত উজান বজাৰত নৃশংস হত্যাকাণ্ড : অভিযুক্তৰ ঘৰৰ সন্মুখত উত্তপ্ত পৰিস্থিতি

মহানগৰীত সংঘটিত হৈছে এক নৃশংস হত্যাকাণ্ড।

দুৰ্বৃত্তই মৰিয়াই মৰিয়াই হত্যা কৰিছে এজন যুৱকক।

মহানগৰীৰ উজান বজাৰত সংঘটিত হৈছে এই ঘটনা।

মৃত যুৱকজনৰ নাম নিজামুদ্দিন আলী বুলি জানিব পৰা গৈছে।

যোৱা শনিবাৰৰ নিশা সংঘটিত হৈছিল এই ঘটনা।

এসপ্তাহৰ অন্তত আজি চিকিৎসালয়ত মৃত্যু হৈছে যুৱকজনৰ।

পল্টন বজাৰৰ এখন হোটেলৰ কৰ্মচাৰী আছিল নিজামুদ্দীন।

আৰক্ষী সূত্ৰ অনুসৰি নিশা কৰ্মস্থলীৰ পৰা ঘৰলৈ ওভতাৰ পথত তেওঁক আক্ৰমণ কৰে তিনি দুৰ্বৃত্তই।

অভিযোগ অনুসৰি ৰাজপথত ধন বিচাৰি মাৰপিট কৰিছিল দূৰ্বৃত্তই।

উজান বজাৰৰ মণি দাস, ৰাজীৱ দাস, আৰু ৰূপম দাস নামৰ তিনিজনৰ বিৰুদ্ধে উত্থাপিত হৈছে এই ঘটনা সংঘটিত কৰাৰ অভিযোগ।

আৰক্ষীয়ে জনোৱা অনুসৰি খাৰঘূলি মালিবাগানৰ বাসিন্দা আটাইজন অভিযুক্ত।

ইপিনে, নিজামুদ্দিনৰ পৰিয়ালৰ লগতে স্থানীয় লোকে অভিযুক্তকেইজনৰ ঘৰৰ সন্মুখত উত্তপ্ত পৰিস্থিতিৰ সৃষ্টি কৰে ৷

মহানগৰ আৰক্ষীয়ে ঘটনাৰ তদন্ত চলাই আছে বুলি জানিবলৈ দিয়ে আৰক্ষী আয়ুক্ত মুন্না প্ৰসাদ গুপ্তাই।

বৰ্তমানলৈকে পলাতক হৈ আছে তিনি দুৰ্বৃত্ত।