অভিযোগ-বিতৰ্কৰ মাজতে পত্নী অংকিতাই এইবাৰ শ্বেয়াৰ কৰিলে মিলিন্দ সুমনৰ অৰ্দ্ধনগ্ন ফটো

মডেল-অভিনেতা মিলিন্দ সুমন তেওঁৰ ফিটনেছ আৰু সাহসী ব্যক্তিত্বৰ বাবে যুৱক-যুৱতীসকলৰ মাজত অতি জনপ্ৰিয়। পত্নী অংকিতা কোঁৱৰৰ সৈতে মিলিন্দৰ যুটীয়েও সকলোৰে দৃষ্টি কাঢ়ি নিয়ে।

শেহতীয়াকৈ জন্মদিনত পত্নীৰ সৈতে গোৱাত ছুটী কটাবলৈ যোৱা মিলিন্দ সুমনে নিজৰ এখন নগ্ন ফটো ছচিয়েল মিডিয়াত শ্বেয়াৰ কৰাৰ পাছত তেওঁৰ বিৰুদ্ধে গোচৰ তৰা হয়।

কিন্তু এই বিতৰ্ক তথা অভিযোগৰ চৰ্চা চলি থকাৰ মাজতে পত্নী অংকিতাই আৰু এখন অৰ্দ্ধনগ্ন ফটো শ্বেয়াৰ কৰিছে।

মিলিন্দ সুমনৰ ইনষ্টাগ্ৰাম একাউন্ট অৰ্দ্ধনগ্ন ফটোৰে ভৰি আছে যদিও জন্মদিনত শ্বেয়াৰ কৰা নগ্ন ফটোৰ বাবে দক্ষিণ গোৱাৰ আৰক্ষীয়ে তেওঁৰ বিৰুদ্ধে অশ্লীলতা প্ৰসাৰ কৰাৰ অপৰাধত গোচৰ তৰিছে।

কিন্তু ইয়াৰ পাছতে পত্নী অংকিতা কোঁৱৰে আৰু এখন ফটো শ্বেয়াৰ কৰিছে।

 

View this post on Instagram

 

Always, brown and proud ☀️ My dose of vitamin D ? • • #saturdaymood #vitamind #tanned #brownandproud #love #life #gratitude

A post shared by Ankita Konwar (@ankita_earthy) on Nov 6, 2020 at 9:42pm PST

অংকিতাই তেওঁৰ ইনষ্টাগ্ৰাম একাউন্টত স্বামী মিলিন্দৰ সৈতে সাগৰৰ পাৰত অৱসৰ কৰি থকা এখন ফটো শ্বেয়াৰ কৰিছে।

চশমা পৰিধান কৰি থকা মিলিন্দৰ কাষত অংকিতাইয়ো কম কাপোৰ পৰিধান কৰি জিৰণি লৈছে। ফটোৰ কেপশ্যনত অংকিতাই লিখিছে,’মই সদায় গৰ্ব অনুভৱ কৰো, মোৰ ভিটামিন –ডি’ৰ টেবলেট। অংকিতাইই স্বামী মিলিন্দৰ সমৰ্থন কৰিয়েই এই প’ষ্ট দিছে।

ইপিনে, গোৱাত নগ্ন ফটো শ্বেয়াৰ কৰাৰ বাবে আৰক্ষীয়ে তৰা গোচৰ সন্দৰ্ভত মিলিন্দ সুমনে এতিয়ালৈ কোনো প্ৰতিক্ৰিয়া প্ৰকাশ কৰা নাই।