পূব আফ্রিকাৰ এখন দেশত বৰ্বৰতাৰে ৫০ জনৰো অধিক লোকৰ শিৰচ্ছেদ কৰিলে ইছলামিক সন্ত্ৰাসবাদীয়ে

এক নৃশংস তথা বৰ্বৰ হত্যালীলাই কঁপাই গৈছে পূৱ আফ্ৰিকাৰ দেশ মোজাম্বিকক।

দেশখনৰ উত্তৰ প্ৰান্তৰ ডেলগাডু প্ৰদেশত ISIS সমৰ্থিত  ইছলামিক সন্ত্ৰাসবাদীয়ে ৫০ জনৰো অধিক লোকৰ শিৰচ্ছেদ কৰিছে।

আন্তৰ্জাতিক সংবাদ মাধ্যমৰ সূত্ৰে জানিব পৰা মতে দেশখনৰ কাবু ডেলগাডু প্ৰদেশৰ নাঞ্জাবা গাঁৱত যোৱা শুকুৰবাৰৰ ৰাতি ‘আল্লাহু আকবৰ’ ধ্বনি দি ISIS সমৰ্থিত সন্ত্ৰাসবাদীয়ে আক্ৰমণ চলায়।

প্ৰথমে সন্ত্ৰাসবাদীৰ দলটোৱে গঞাক ঘৰ বাহিৰলৈ উলিয়াই দুজন লোকক শিৰচ্ছেদ কৰে।

ইফালে গাঁওখনৰ বহু মহিলাক সন্ত্ৰাসবাদীৰ দলটোৱে অপহৰণ কৰি নিয়ে বুলি প্ৰকাশ পাইছে আন্তৰাষ্ট্ৰীয় সংবাদ মাধ্যমত।

মোজাম্বিয়ান নিউজৰ উদ্ধৃতিৰে বিবিচিয়ে প্ৰকাশ কৰিছে যে অন্য এটা ইছলামিক সন্ত্ৰাসবাদীৰ দলে মাউতিদে গাঁৱৰ গাঁওবাসীক ঘৰ পৰা উলিয়াই এখন ফুটবল খেল পথাৰলৈ লৈ যায়। ফুটবল খেলপথাৰত গঞাক থিয় কৰাই সন্ত্ৰাসবাদীৰ দলটোৱে এফালৰ পৰা শিৰচ্ছেদ কৰি যায়। ফুটবল পথাৰখনত অতি কমেও ৫০ জন গঞাক শিৰচ্ছেদ কৰে সন্ত্ৰাসবাদী দলটোৱে।

জীৱন ৰক্ষা কৰিবলৈ ফুটবল খেলপথাৰৰ পৰা পলায়ন কৰা লোকসকললৈ লক্ষ্য কৰি সন্ত্ৰাসবাদী দলটোৱে গুলীয়াবলৈ ধৰে।

আন্তৰাষ্ট্ৰীয় সংবাদ প্ৰতিষ্ঠানৰ বাতৰি মতে শৰিচ্ছেদ কৰাৰ পিছত মৃতদেহসমূহ ছিন্ন ভিন্ন কৰি গাঁওখনত ছেদেলি ভেদেলি কৰি সন্ত্ৰাসবাদী দলটোৱে মৃতদেহৰ টুকুৰাসমূহ পেলাই থৈ যায়।

আনহাতে সন্ত্ৰাসবাদী দলটোৱে গাঁওখনত অগ্নি সংযোগো কৰে।

বিবিচিৰ বাতৰিৰ মতে ইছলাম প্ৰধান প্ৰদেশখনত ISISৰ সমৰ্থনপ্ৰাপ্ত ইছলামিক সন্ত্ৰাসবাদীসকলে নিজৰ প্ৰভাৱ বিস্তাৰৰ বাবে বিগত কেবা বছৰৰ পৰা সন্ত্ৰাস চলাই আহিছে।

বিবিচিৰ প্ৰতিবেদনৰ মতে উক্ত ইছলামিক প্ৰদেশখনত ইছলামিক সন্ত্ৰাসবাদীয়ে ২ হাজাৰো অধিক লোক হত্যাৰ কৰাৰ লগতে প্ৰায় ৪.৩০ লাখ লোকক গৃহহীন কৰিছে।

আনহাতে চলিত বৰ্ষৰ এপ্ৰিল মাহতো কাবু ডেলগাডু প্ৰদেশত ৫০ জন লোকৰ শিৰচ্ছেদ কৰা হৈছিল। যোৱা মাহতো প্ৰদেশখনৰ ৯ জন লোকৰ শিৰচ্ছেদ কৰা হৈছিল।

ইফালে এই বৰ্বৰ হত্যাকাণ্ডক তীব্ৰ নিন্দা কৰি মোজাম্বিক চৰকাৰে সন্ত্ৰাসবাদীসকলক উচিত শাস্তি প্ৰদান কৰা হ’ব বুলি ঘোষণা কৰিছে।