যোৱা ২৪ ঘণ্টাত ৪৭,৯০৫ গৰাকী লোক নতুনকৈ ক’ৰ’নাত আক্ৰান্ত, ৫৫০ গৰাকীৰ মৃত্যু

ভাৰতত ১২ নৱেম্বৰৰ ৰাতিপুৱালৈকে ক’ৰ’না ভাইৰাছত আক্ৰান্তৰ সংখ্যা ৮৬,৮৩,৯১৬ গৰাকীলৈ বৃদ্ধি পাইছে।

যোৱা ২৪ ঘণ্টাত দেশৰ ৪৭,৯০৫ গৰাকী নতুনকৈ ক’ৰ’নাত আক্ৰান্ত হোৱাৰ বিপৰীতে ৫৫০ গৰাকী লোকৰ মৃত্যু ঘটিছে।

আনহাতে বিগত ২৪ ঘণ্টাত ৮০,৬৬,৫০১ গৰাকী ক’ৰ’নাৰ পৰা সম্পূৰ্ণৰূপে আৰোগ্য হৈ উঠা বুলি স্বাস্থ্য মন্ত্ৰ্যালয়ে জানিবলৈ দিয়ে।

এই পৰ্যন্ত দেশত ১,২৮,১২১ গৰাকী লোকে প্ৰাণ হেৰুৱাইছে।

ইফালে, দেশত বৰ্তমান সক্ৰিয় ৰোগীৰ সংখ্যা হৈছে ৪,৮৯,২৯৪ গৰাকী। আনহাতে ৮০,৬৬,৫০১ গৰাকী ক’ৰ’নাৰ পৰা সম্পূৰ্ণৰূপে সুস্থ হৈ উঠিছে।

স্বাস্থ্য মন্ত্ৰ্যালয়ে জনোৱা অনুসৰি ক’ৰ’নাৰ আৰোগ্যৰ হাৰ হৈছে ৯২.৮৯ শতাংশ। মৃত্যু হাৰ হৈছে ১.৪৭ শতাংশ আৰু সক্ৰিয় ৰোগীৰ হাৰ হৈছে ৫.৬৩ শতাংশ।

ইফালে আই চি এম আৰে জানিবলৈ দিয়া মতে যোৱা ২৪ ঘণ্টাত ১১,৯৩,৩৫৮ গৰাকী লোকৰ ক’ৰ’না টেষ্ট কৰা হৈছে।

এই পৰ্যন্ত দেশৰ মুঠ ১২,১৯,৬২,৫০৯ গৰাকীৰ ক’ৰ’না টেষ্ট হৈছে।