নিৰ্বাচনী ফলাফল মানি ল’বলৈ অস্বীকাৰ,পুনৰ গণনাৰ দাবী; ৱাশ্বিংটনত ট্ৰাম্প সমৰ্থকৰ বিক্ষোভ

আমেৰিকাৰ ৰাষ্ট্ৰপতি ডোনাল্ড ট্ৰাম্পে নিৰ্বাচনা ফলাফল স্বীকাৰ কৰিবলৈ এতিয়াও ৰাজী নহয়।  দেশখনৰ ৰাজধানী ৱাশ্বিংটন ডি চিৰ ৰাজপথত ট্ৰাম্পৰ সহস্ৰাধিক সমৰ্থকে প্ৰতিবাদত নামিছে।

প্ৰতিবাদকাৰী ট্ৰাম্পৰ এই সমৰ্থসকলৰ সৈতে আৰক্ষীৰ হতাহতিৰ ঘটনাও সংঘটিত হৈছে।

উল্লেখ্য যে আমেৰিকাৰ ৰাষ্ট্ৰপতি নিৰ্বাচনৰ ফলাফল ঘোষণাৰ প্ৰায় এসপ্তাহতকৈয়োঅধিক সময় হৈ গৈছে যদিও এই ফলাফল মানি ল’বলৈ অস্বীকাৰ কৰিছে ট্ৰাম্পে। তেওঁ আনকি নিৰ্বাচনত প্ৰবঞ্চনাৰো অভিযোগ আনিছে।

ট্ৰাম্পৰ সমৰ্থকসকলে দাবী কৰে যে পেন্সিলভেনিয়া, নেবাড়াৰ দৰে স্থানসমূহত প্ৰতাৰণা হৈছে।

শনিবাৰে ৱাশ্বিংটনত সহস্ৰাধিক ট্ৰাম্প সমৰ্থকে ৰাজপথত বিক্ষোভ প্ৰদৰ্শন কৰে। তেওঁলোকে নিৰ্বাচনত বৃহৎ মাত্ৰাত গোলমাল হোৱাৰ অভিযোগ তুলিছে।

আনহাতে, ৱাশ্বিংটনত ট্ৰাম্প সমৰ্থক আৰু বিৰোধীৰ মাজত সংৰ্ঘষও সংঘটিত হৈছে। ব্লেক লাইভছ মেটৰ আৰু অংটিকা মাৰ সংগঠনৰ সৈতে জড়িত লোক আহি হোৱাইট হাউছৰ কিছু দূৰত অৱস্থান কৰে। ট্ৰাম্প সমৰ্থকৰ সৈতে তেওঁলোকৰ মাৰপিটৰ ঘটনাও ঘটে।

ট্ৰাম্প সমৰ্থকসকলে সকলো প্ৰদেশতে পুনৰ ভোট গণনাৰ কৰিলেহে তেওঁলোক সন্তুষ্ট হ’ব বুলি জানিবলৈ দিয়ে। তেওঁলোকে কিছুমান স্থানত মৃতকৰ নামতো ভোট দিয়া হৈছে বুলি অভিযোগ কৰে।

পৰিস্থিতিৰ প্ৰতি লক্ষ্য ৰাখি ৱাশ্বিংটনত বিশাল আৰক্ষী বাহিনী নিয়োগ কৰা হৈছে। হোৱাইট হাউছৰ সুৰক্ষা পূৰ্বেই কটকটীয়া কৰি ৰখা হৈছে।

ইপিনে, ডোনাল্ড ট্ৰাম্পৰ অতি বিশ্বস্ত মন্ত্ৰী মাইক পোম্পিঅ’ৱে ইতিমধ্যে প্ৰকাশ কৰিছে যে ৰাষ্ট্ৰপতি ট্ৰাম্পে পৰৱৰ্তী কাৰ্যকালৰ বাবে প্ৰস্তুতি চলাই আছে।