উচ্চ ক্ষমতাসম্পন্ন আতচবাজীৰ শব্দই প্ৰদূষিত কৰিলে মৰিগাঁও নগৰৰ সামগ্ৰীক পৰিৱেশ

মৰিগাঁও জিলা প্ৰশাসনে দীপান্বিতাৰ উপলক্ষ্যে জিলাখনৰ বাসিন্দাসকললৈ দেৱালী উদযাপনৰ কেতবোৰ নীতি নিৰ্দেশনা জাৰি কৰি সমগ্ৰ জিলাখনতে ১৪৪ ধাৰা যোগে ৰাইজক সতৰ্ক কৰি অধিক ক্ষমতা সম্পন্ন,প্ৰাবল্যযুক্ত আতচবাজী বিক্ৰী আৰু ব্যৱহাৰৰ পৰা বিৰত থাকিবলৈ কঠোৰভাৱে নিৰ্দেশনা জাৰি কৰিছিল।

যাতে তেনে বিস্ফোৰক সামগ্ৰীৰ দ্বাৰা পৰিবেশ বিনষ্ট নহ’য় ।কিন্তু কাৰ্যতঃ প্ৰশাসনৰ নীতি নিৰ্দেশনাক একাষৰীয়া কৰি মৰিগাঁও,জাগীৰোড চহৰকেধৰি পাশ্চৰ্ৱতী অঞ্চলসমূহত ইয়াৰ এক বিপৰীতমুখী ছবিহে পৰিলক্ষিত হয়।জিলাখনৰ বিভিন্ন প্ৰান্তত দেখা গ’ল অস্থায়ী আতচবাজী ব্যৱসায়ীসকলে মুক্তহাৰত বিনা বাধাই উক্ত সামগ্ৰীসমুহ বিক্ৰী কৰাৰ দৃশ্য।

লগতে ইয়াৰ সমান্তৰালভাৱে আইন উলংঘাকাৰী এছাম লোকে কাণ তাল মাৰি যোৱা উচ্চ ক্ষমতাসম্পন্ন ব’ম,ফটকা আদি বিকট শব্দৰ প্ৰাৱল্যৰ বিস্ফোৰক সামগ্ৰী ৱ্যবহাৰ কৰি পৰিবেশ পৰিস্থিতি উত্তাল কৰি ৰাইজৰ শান্তিভংগ কৰাৰহে প্ৰতিযোগিতাত নমা পৰিলক্ষিত হ’ল।

ইপিনে,জিলা প্ৰশাসনে জাৰি কৰা এনে নিৰ্দেশাৱলী অৱমাননা কৰা কাৰ্যক জিলাখনৰ সচেতন মহলে অসন্তুষ্টিৰ লগতে তীব্ৰ প্ৰতিক্ৰিয়া প্ৰকাশ কৰিছে ।