ৱাশ্বিংটনৰ বিদ্যালয়ৰ পৰা নিজৰ তিনি সন্তানক উলিয়াই আনিবলৈ বাধ্য হ’ল ট্ৰাম্প কন্যা ইভানকাই, কিন্তু কিয়?

কথাতে আছে হলা গছত সকলোৱে বাগী কুঠাৰ মাৰি ভালপায়।

আমেৰিকাৰ ৰাষ্ট্ৰপতি নিৰ্বাচনত সদ্য পৰাজিত ড’নাল্ড ট্ৰাম্পৰ পৰিয়ালৰ ক্ষেত্ৰতো এতিয়া তেনে ঘটনাই ঘটিবলৈ ধৰিছে।

নিৰ্বাচনত ট্ৰাম্প পৰাজিত হোৱাৰ পিছতে ট্ৰাম্প কন্যা ইভানকা ট্ৰাম্প আৰু ট্ৰাম্পৰ জোঁৱায়েক জাৰেদ কুছনাৰৰ বিৰুদ্ধে সৰৱ হৈ পৰিছে আমেৰিকাৰ একাংশ অভিভাৱক।

সেই সকল অভিভাৱকৰ প্ৰতিবাদৰ বাবেই উপায়ন্তৰ হৈ ট্ৰাম্পৰ কন্যা ইভানকাই তেওঁলোকৰ তিনি সন্তানক ৱাশ্বিংটনৰ এখন ব্যক্তিগত খণ্ডৰ বিদ্যালয়ৰ পৰা নাম কটাই আনিবলৈ বাধ্য হ’ল।

চিএনএনত সম্প্ৰচাৰিত বাতৰি অনুসৰি ট্ৰাম্প কন্যা ইভানকা আৰু তেওঁৰ স্বামী  জাৰেদ কুছনাৰে উক্ত বিদ্যালয়খনৰ অভিভাৱকৰ কৰণীয় দায়িত্ব সম্পৰ্কীয় হাতপুথিৰ নিয়ম সমূহ উলংঘা কৰি আহিছে।

What's "shameful" is their refusal to adhere to CDC guidelines developed by the trump administration. A bit hypocritical, I might say.

Ivanka Trump and Jared Kushner's children withdrawn from school after administrators raised concernshttps://t.co/uwFE8ou0zT

— Lisa Binder (@LBinder57) November 14, 2020

বিশেষকৈ কোভিড প্ৰ’টকলৰ ক্ষেত্ৰত ইভানকা আৰু তেওঁৰ স্বামীয়ে বিদ্যালয় খনে বান্ধি দিয়া কোনো নিয়ম মানি নচলা বুলি বহু অভিভাৱকে অভিযোগ কৰিছে।

ইভানকা আৰু তেওঁৰ স্বামীয়ে কোভিড প্ৰ’টকল উলংঘা কৰি মাস্ক নিপিন্ধাকৈয়ে বিদ্যালয়লৈ অহা, বিদ্যালয় চৌহদত সামাজিক দূৰত্ব বজাই নৰখা আদি অভিযোগ একাংশ অভিভাৱকে উত্থাপন কৰাৰ লগতে তেওঁলোকৰ এনে কাৰ্যই আন ছাত্ৰ-ছাত্ৰীৰ জীৱনলৈ ভাবুকি কঢ়িয়াই অনা বুলিও কৈছে।

অভিভাৱকসকলে লগতে এই বুলিও কৈছে যে ট্ৰাম্পৰ পৰিয়াল আৰু ট্ৰাম্প প্ৰশাসনৰ বহু কেইগৰাকী লোক যিহেতু ইতিমধ্যে কোভিডত আক্ৰান্ত হৈছে সেয়ে ইভানকা আৰু তেওঁৰ স্বামীৰ বেপৰোৱা মনোভাৱ সহজ ভাবে ল’ব পৰা কথা নহয়।

অভিভাৱকৰ এনে প্ৰতিক্ৰিয়াৰ পিছতে ইভানকা আৰু তেওঁৰ স্বামীয়ে তেওঁলোকৰ তিনি সন্তানক বিদ্যালয়খনৰ পৰা উলিয়াই নিবলৈ বাধ্য হৈছে।