অন্য মহিলাৰে পৰকীয়া প্ৰেমত মত্ত স্বামীক হাতেলোটে ধৰিলে পত্নীয়ে,তাৰ পিছত এয়া কি কৰিলে পত্নীয়ে!

মহিলাগৰাকীৰ স্বামীয়ে আন এগৰাকীৰ মহিলাৰ সৈতে প্ৰেমৰ গোপন সম্পৰ্ক ৰক্ষা কৰি অহাৰ কথা পত্নীয়ে বহু দিনৰে পৰা জানি আহিছিল।

কিন্তু প্ৰমাণৰ অভাৱত স্বামীৰ সেই দুষ্কাৰ্য ধৰা পেলাব পৰা নাছিল মহিলাগৰাকীয়ে। কিন্তু সিদিনা দিন বেয়া আছিল স্বামীৰ। আন মহিলাগৰাকীৰ সৈতে প্ৰেমত মছগুল হৈ থকা অৱস্থাতে স্বামীক হাতেলোটে ধৰি পেলালে পত্নীয়ে।

তাৰ পিছতে স্বামীৰ পিঠিত পৰিবলৈ ধৰিলে পত্নীৰ ঔকিল।

সিমানলৈকে সকলো স্বাভাৱিক কথাই আছিল যদিও স্বামীক মাৰধৰ কৰাৰ পিছত পত্নীয়ে যি কাৰ্য কৰিলে সেয়াহে অতি ভয়াৱহ।

ঘটনাটো সংঘটিত হৈছে চীনৰ মিয়ামিং প্ৰদেশত।

স্বামী-স্ত্ৰীৰ কাজিয়া সকলো ঠাইতে তেনেই সাধাৰণ ঘটনা যদিও মিয়ামিং প্ৰদেশত হোৱা এই কাজিয়া খনে এনে এটা ৰূপ ল’লে যে যি কথা ভাবিলেও ভয় লাগে।

পৰকীয়া প্ৰেমত মত্ত স্বামীক ধৰা পেলোৱাৰ পিছত পত্নীক প্ৰথমে স্বামীক মাৰধৰ কৰে আৰু তাৰ পিছতে কেইজনমান লোকৰ সহযোগত পত্নীয়ে স্বামীক এটা  সঁজাত ভৰাই ভৰা নৈত উটুৱাই দিয়ে।

চীনত শাস্তি প্ৰদানৰ বাবে প্ৰাচীন কালৰে পৰা প্ৰচলন থকা ‘Dip in a pig cage’‌ নীতিকে সাৰোগত কৰি পত্নীয়ে স্বামীক নৈত উটুৱাই দিলে।

কেৱল সেয়াই নহয়, স্বামীক সঁজাত বন্দী কৰি নৈত উটুৱাই দিয়াৰ সমগ্ৰ দৃশ্য পত্নীয়ে ৰেকৰ্ডিং কৰি ছ’চিয়েল মিডিয়াত ভাইৰেলো কৰিলে।

সৌভাগ্যক্ৰমে নৈৰ কাষত বাস কৰা একাংশ লোকে সঁজা বন্দী এজন লোক পানীত ভাঁহি যোৱা দেখিবলৈ পাই তেওঁক উদ্ধাৰ কৰে আৰু চিকিৎসালয়ত ভৰ্তি কৰে।

এই ঘটনাৰ ভিডিঅ’ ফুটেজ চাই আৰক্ষীয়ে লোক জনৰ পত্নীসহ চাৰি জন লোকক গ্ৰেপ্তাৰ কৰিছে।

আইনৰ সহায় নলৈ পত্নীয়ে এনেদৰে স্বামীৰ ক্ষেত্ৰত কৰা অমানৱীয় কাৰ্যই তীব্ৰ প্ৰতিক্ৰিয়াৰ সৃষ্টি কৰিছে।