CAA বাতিলৰ দাবীত কলিয়াবৰত অসম জাতীয়তাবাদী যুৱ ছাত্ৰ পৰিষদৰ উত্তাল প্ৰতিবাদ

নাগৰিকত্ব সংশোধনী আইন বাতিলৰ দাবীৰে কলিয়াবৰ তিনিআলিত অসম জাতীয়তাবাদী যুৱ ছাত্ৰ পৰিষদৰ কলিয়াবৰ জিলা সমিতিয়ে আজি উত্তাল প্ৰতিবাদ সাব্যস্ত কৰে।

প্ৰতিবাদকাৰী সকলে কা’ আমি নামানো, শ্বহীদৰ কেঁচা তেজ অথলে যাবলৈ দিয়া নহ’ব আদি ধ্বনিৰে প্ৰতিবাদ স্থলী উত্তাল কৰি তোলে।

অসম জাতীয়তাবাদী যুৱ ছাত্ৰ পৰিষদৰ কলিয়াবৰ জিলা সমিতিয়ে কলিয়াবৰৰ মহকুমাধিপতি কাৰ্যালয়ৰ সন্মুখত প্ৰতিবাদী সভা অনুষ্ঠিত কৰে।

অসম জাতীয়তাবাদী যুৱ ছাত্ৰ পৰিষদৰ কলিয়াবৰ জিলা সমিতিয়ে কৰা প্ৰতিবাদৰ ফলত  কলিয়াবৰ তিনিআলিৰ পৰা তেজপুৰ সংযোগী পথত কিছু সময় ধৰি যান বাহনৰ চলাচল স্তব্ধ হৈ পৰে।

অসম জাতীয়তাবাদী যুৱ ছাত্ৰ পৰিষদৰ কৰ্মী সকলে প্ৰতিবাদ সাব্যস্ত কৰি কেন্দ্ৰ আৰু ৰাজ্যৰ বিজেপি নেতৃত্বাধীন চৰকাৰক কঠোৰ সমালোচনা কৰাৰ লগতে কা’ প্ৰণয়নৰ ক্ষেত্ৰত সোণোৱাল আৰু হিমন্ত বিশ্ব শৰ্মাৰ ভূমিকাক গৰিহনা দিয়ে।

কলিয়াবৰৰ উপৰিও আজি ৰাজ্যৰ বিভিন্ন প্ৰান্তৰ লগতে শিৱসাগৰতো নাগৰিকত্ব সংশোধনী আইন বিৰোধী প্ৰতিবাদী সভা অনুষ্ঠিত কৰা হয়।