ডিমৌ কেন্দ্ৰীয় ৰঙালী বিহু সন্মিলনৰ উদযাপন সমিতি গঠন

অসমলৈ আহি আছে ৰঙালী বিহুৰ বতৰ। চেনেহৰ বিহুটিক আদৰিবলৈ সকলোৱে নানা ধৰণে যো-যা চলাইছে। শিৱসাগৰ জিলাৰ ডিমৌতো ৰঙালী বিহু উপলক্ষে প্ৰতি বছৰে আয়োজন কৰি অহা হৈ আহিছে কেন্দ্ৰীয় ৰঙালী বিহু সন্মিলন।

ডিমৌৰ বিভিন্ন জাতি-জনগোষ্ঠীয় সংগঠন, স্বেচ্চাসেৱী অনুষ্ঠান তথা ডিমৌবাসী ৰাইজৰ উদ্যোগত বিগত কেইবাটাও বছৰে সমন্বয়ৰ  বাৰ্তা কঢ়িয়াই অনুষ্ঠিত হোৱা কেন্দ্ৰীয় ৰঙালী বিহু সন্মিলন আয়োজনৰ সন্দৰ্ভত সোমবাৰে ডিমৌ প্ৰেছ ক্লাৱ প্ৰাঙ্গনত এখন সভা অনুষ্ঠিত হয়।

ডিমৌৰ জেষ্ঠ নাগৰিক মুহি গগৈৰ সভাপতিত্বত অনুষ্ঠিত ৰাজহুৱা সভাত ডিমৌৰ প্ৰেছ ক্লাৱৰ সম্পাদক অজয় কুমাৰ গগৈ , অৰুণ শৰ্মা, শেখৰ জ্যোতি দুৱৰী, প্ৰশান্ত গগৈ, আটাছুৰ সন্দিপ গগৈ, জয়ন্ত গগৈ, যুৱ মঞ্চৰ যাদৱ গগৈ, অসমীয়া যুৱ মঞ্চৰ হোমেন গগৈ, সংগ্ৰামী যুৱ ছাত্ৰ পৰিষদৰ উৎপল দুৱৰা আদি উপস্থিত থাকি বিহু উদযাপনৰ সন্দৰ্ভত বক্তব্য আগবঢ়ায় ।

সভাই  অজয় কুমাৰ গগৈক মূখ্য পৃষ্ঠপোষক, শেখৰ জ্যোতি দুৱৰীক সভাপতি, যাদৱ গগৈক মূখ্য সম্পাদক, নিপন বৰুৱা আৰু মৃদুল বুঢ়াগোঁহাইক যুটীয়া সম্পাদক আৰু যুগল শৰ্ম্মা, সুমিত কুমাৰ সন্দিকৈ, সন্দীপ গগৈ, হোমেন গগৈ, বিশ্বজিৎ শ্যামক সম্পাদক মণ্ডলী হিচাপে লৈ কেন্দ্ৰীয় ৰঙালী বিহু সন্মিলন, ডিমৌ ২০১৮ বৰ্ষৰ বাবে এখন শক্তিশালী উদযাপন সমিতি গঠন কৰা হয়।

সভাই এপ্ৰিল মাহৰ শেষৰ ফালে বিহু সন্মিলন অনুষ্ঠিত কৰাৰ কথা সিদ্ধান্ত গ্ৰহণ কৰে ।