মৰিগাঁৱত ৪৭৩ গৰাকী ছাত্ৰীক ডঃ বাণীকান্ত কাকতী মেধা বঁটা প্ৰদান

আজি মৰিগাঁৱত ডঃ বাণীকান্ত কাকতী মেধা বঁটা প্ৰদান কৰা হয়।।  বঁটা প্ৰদান অনুষ্ঠানত উপস্থিত থাকে ৰাজ্যিক স্বাস্থ্যমন্ত্ৰী পীয়ুষ হাজৰীকা।

এই অনুষ্ঠানতে ৪৭৩ গৰাকী ছাত্ৰীক প্ৰদান কৰা হয় ডঃ বাণীকান্ত কাকতী মেধা বঁটা ।

মৰিগাঁও মহাবিদ্যালয়ৰ সভাকক্ষত আয়োজিত  বাণীকান্ত বঁটা প্ৰদানৰ এক গাম্ভীৰ্যপূৰ্ণ অনুষ্ঠানত অসম চৰকাৰ ৰাজ্যিক স্বাস্থ্যমন্ত্ৰী তথা জাগীৰোড সমষ্টিৰ বিধায়ক পীয়ুষ হাজৰিকা উপস্থিত থাকি  সকলো স্কুটী লাভ কৰা ছাত্ৰীকে হেলমেট পৰিধান কৰিহে স্কুটী চলাবলৈ আহ্বান জনায়।

মন্ত্ৰী গৰাকীয়ে লগতে কয় যে বহু ছাত্ৰ -ছাত্ৰীক আন্দোলনৰ নামত দল,সংগঠনসমূহে ৰাজপথলৈ লৈ যায়।

তেনে ক্ষেত্ৰত মন্ত্ৰী গৰাকীয়ে আপত্তি দৰ্শাই কয় যে তেনে পৰিপ্ৰেক্ষিতত বহু ছাত্ৰ ছাত্ৰীয়ে গমেই নেপাই তেওঁলোকক কিয় লৈ যোৱা হৈছে।

ছাত্ৰ ছাত্ৰী সকলক ৰাজপথত এনেদৰে নিয়াৰ ফলত ছাত্ৰ ছাত্ৰী সকলৰ ভৱিষ্যৎ অন্ধকাৰ হ’ব বুলিও মন্ত্ৰীগৰাকীয়ে আক্ষেপ প্ৰকাশ কৰে।

অনুুষ্ঠানত মৰিগাঁৱৰ বিধায়ক ৰমাকান্ত দেউৰী, জিলা উপায়ুক্ত লীনা দাস, আৰক্ষী অধীক্ষক ড° নন্দসিং বৰকলা,মৰিগাঁও জিলা প্ৰাথমিক শিক্ষা বিষয়া কমলজ্যোতি গগৈকে আদি কৰি বহুকেইজন বিশিষ্ট ব্যক্তি উপস্থিত থাকে।