বিদ্বান চোৰ! চুৰি কৰি নিলে বহুতে এলাগী কৰা এবিধ মূল্যৱান সম্পদ,কি চুৰি কৰিলে চোৰে

ভোগবাদী পৃথিৱীত এতিয়া চুৰি-ডকাইতিৰ ঘটনা বৃদ্ধি পাইছে।

চোৰ-ডকাইতৰ চকু সাধাৰণতে ধন-সম্পদত থাকে।

কিন্তু সমাজত এতিয়াও এনে চোৰো আছে যাৰ চকু ধন-সম্পদত নহয়,কিতাপৰ ওপৰতহে!

সম্প্ৰতি ডিজিটেল যুগত বহুতৰে বাবে কিতাপ এলাগী হৈ পৰিছে।

কাৰোৱাক যাঁচি দিলেও কিতাপ ল’ব নিবিচৰা পৰিস্থিতিৰ সৃষ্টি হৈছে, কিনি পঢ়াটো দূৰৰে কথা।

কিতাপৰ  এনে দুৰ্যোগৰ সময়তে এজন চোৰে হাজাৰ হাজাৰ টকাৰ কিতাপ দোকানৰ দুৱাৰ ভাঙি চুৰি কৰাৰ কথাই বহুতকে নানান চিন্তাৰ খোৰাক যোগাইছে।

কিতাপ চুৰিৰ এই ঘটনাটো ঘটিছে কলকাতাৰ বিখ্যাত কলেজ ষ্ট্ৰীটত ।

শম্ভূ চেটাৰ্জী ষ্ট্ৰীটত থকা এখন কিতাপৰ দোকানত নিশা চোৰে প্ৰৱেশ কৰি ২১ হাজাৰ ৫০০ টকা মূল্যৰ মূল্যৱান কিতাপ চুৰি কৰি লৈ যায়।

আজি দোকান খুলিবলৈ আহি দোকানৰ গৰাকীয়ে ঠাটাৰ খোলা থকা দেখিবলৈ পায় আৰু দোকানত চুৰি হোৱাৰ বিষয়টোত নিশ্চিত হয়।

আচৰিত কথাটো হ’ল দোকানৰ ভিতৰত থকা কেছ বক্সত মোটা অংকৰ নগদ ধন আছিলি যদিও সেই ধনত মুঠেও হাতেই নিদিলে চোৰে।

দোকানৰ গৰাকীয়ে প্ৰকাশ কৰা মতে চোৰে বাচি বাচি কালজয়ী উপন্যাস, ভ্ৰমণ সাহিত্য, মহৎ লোকৰ জীৱনী আদিকে ধৰি মুঠ ১০০ খন মান গ্ৰন্থ চুৰি কৰি নিছে।

কিতাপ চুৰিৰ এই ঘটনাই এতিয়া কলকাতা চহৰত বেচ চাঞ্চল্যৰ সৃষ্টি কৰা পৰিলক্ষিত হৈছে।

চোৰে নিজে পঢ়িবলৈ কিতাপ চুৰি কৰিছে নে  ক’ৰৱাত বিক্ৰী কৰিবলৈ চুৰি কৰিছে তাকে লৈ বহুতৰে মাজত সৰৱ আলোচনা হোৱা পৰিলক্ষিত হৈছে।