নাৱৰ পৰা পৰি তিনি শিশু, এগৰাকী মহিলাসহ পাঁচগৰাকী পৰ্যটকৰ হ্ৰদত সলিল সমাধি : ১৫ জন আহত

নাৱৰ পৰা পৰি তিনিটি শিশু এগৰাকী মহিলাসহ পাঁচগৰাকী পৰ্যটকৰ সলিল সমাধি ঘটিছে এটা হ্ৰদত।

আৰক্ষীয়ে প্ৰকাশ কৰা ঘটনাৰ বিৱৰণিৰ মতে সোমবাৰে গুজৰাটৰ নৱছাৰী জিলাৰ চ’লধাৰা ইক’ পইণ্টত থকা এটা হ্ৰদত নাও ডুবি তিনিটি শিশু এগৰাকী মহিলাসহ পাঁচগৰাকী লোকৰ সলিল সমাধি ঘটিছে।

আৰক্ষীয়ে প্ৰকাশ কৰা মতে দুৰ্ঘটনাটোত অন্য ১৫ গৰাকীৰ পৰ্যটক আহত হৈছে।

“যাত্ৰীবোৰে নামি থাকোতে আন যাত্ৰীয়ে নাওত উঠিবলৈ যাওঁতে নাওখন পানীত বুৰি যোৱাৰ ফলত দুৰ্ঘটনাটো সংঘটিত হয়।” আৰক্ষীয়ে সূত্ৰই কয়।

দুৰ্ঘটনাটো সংঘটিত হোৱাৰ পিছতে অগ্নিনিৰ্বাপক বাহিনীৰ লোকে উদ্ধাৰ অভিযান আৰম্ভ কৰে আৰু পানীৰ পৰা পাঁচটা মৃতদেহ উদ্ধাৰ কৰাৰ লগতে অন্যান্য আহত পৰ্যটকসকলকো উদ্ধাৰ কৰে।

আহতসকলক উদ্ধাৰ কৰি ততাতৈয়াকৈ চিকিৎসালয়ত ভৰ্তি কৰোৱা হৈছে।

দুৰ্ঘটনাটোত নিহত লোকসকলৰ মাজত একোটিকৈ ডেৰ, ছয় আৰু ১০ বছৰীয়া শিশুৰ লগতে ৩০ বছৰীয়া এগৰাকী মহিলা আৰু ২৮ বছৰীয়া এজন যুৱক আছে।