পানী ঘোলা কৰি হোৱাইট হাউছ এৰি বিলাসী ৰিছ’ৰ্টত পত্নী মেলানিয়াৰ সৈতে ডোনাল্ড ট্ৰাম্প

হোৱাইট হাউছ এৰি যোৱাৰ পাছত আমেৰিকাৰ প্ৰাক্তন ৰাষ্ট্ৰপতি ডোনাল্ড ট্ৰাম্প ক’লৈ যাব তাক লৈ বিভিন্ন চৰ্চা চলিছিল।

দেশখনৰ ৰাষ্ট্ৰপতি নিৰ্বাচনত ‘মাছ ধৰিব নোৱাৰিলেও পানী ঘোলা কৰা’ৰ লক্ষ্যৰে ৰাজনৈতিক পৰিস্থিতি উত্তাল কৰি তুলিছিল ট্ৰাম্পে।

অৱশেষত পৰাজিত ট্ৰাম্পে ৱাশ্বিংটন এৰি ফ্ল’ৰিডাৰ এখন বিলাসী ৰিছ’ৰ্টত পত্নী মেলানিয়াক লৈ উঠিছে।

প্ৰাক্তন ৰাষ্ট্ৰপতিগৰাকীয়ে বুধবাৰে বিডেনৰ শপতগ্ৰহণ ঠিক আগে আগে আনুষ্ঠানিকভাৱে বিদায় অনুষ্ঠান এৰি বিমানত এয়াৰ ফ’ৰ্ছ ৱানৰ পৰা ফ্ল’ৰৰিডাত উপস্থিত হৈছিল।

বিদায়য়ৰ পূৰ্বে ট্ৰাম্পে কৈ থৈ যায় যে ২০২৪চনত তেওঁ পুনৰ ৰাষ্ট্ৰপতি পদৰ বাবে যুঁজ চলাই যাব।

অৱশ্যে, কেপিটেল হিলৰ ঘটনাৰ পাছত ট্ৰাম্পে পুনৰ নিৰ্বাচনত অৱতীৰ্ণ হ’ব পাৰিবনে নাই তাক লৈ প্ৰশ্ন ৰৈ গৈছে।

ইপিনে, Mar-a-Lago ৰিছ’ৰ্টত ট্ৰাম্প কিমানদিন থাকিব সেয়া এতিয়াও প্ৰকাশ কৰা নাই। সদ্যহতে ডোনাল্ড ট্ৰাম্পৰ কীৰ্তি-কাহিনী সামৰি আমেৰিকাৰ জনসাধাৰণ জো বিডেনৰ প্ৰশস্তিতে ব্যস্ত আছে।