২০১৫ চনৰ পৰা ২০১৯ চনৰ ভিতৰত ভাৰতীয় নাগৰিকত্ব ত্যাগ কৰিছে ৬.৭৬ লাখ লোকে

২০১৫ চনৰ পৰা ২০১৯ চনৰ ভিতৰত ৬.৭৬ লাখ লোকে ভাৰতীয় নাগৰিকত্ব ত্যাগ কৰি অন্য দেশৰ নাগৰিকত্ব গ্ৰহণ কৰিছে।

মঙলবাৰে লোকসভাৰ প্ৰশ্নোত্তৰকালত কংগ্ৰেছ সাংসদ কাৰ্তি চিদাম্বৰমে সোধা এক প্ৰশ্নৰ উত্তৰত গৃহ মন্ত্ৰ্যালয়ৰ তৰফৰ পৰা এই তথ্য প্ৰকাশ কৰা হয়।

২০১৯ চনত ১.৩৬ লাখ ভাৰতীয় লোকে ভাৰতীয় নাগৰিকত্ব ত্যাগ কৰাৰ বিপৰীতে ২০১৮ চনত ১.২৫ লাখ লোকে ভাৰতীয় নাগৰিকত্ব ত্যাগ কৰিছিল।

২০১৮ চনৰ তুলনাত ২০১৯ চনত অধিক সংখ্যক লোকে ভাৰতীয় নাগৰিকত্ব ত্যাগ কৰে বুলি চৰকাৰে লোকসভাত সদৰী কৰে।

চৰকাৰী তথ্য অনুসৰি প্ৰায় ১.২৫ কোটি ভাৰতীয় নাগৰিকে বিদেশত বাস কৰে।

২০১৫ চনত ১,৪১,৬৫৬ গৰাকী, ২০১৬ চনত ১,৪৪,৯৪২ গৰাকী, ২০১৭ চনত ১,২৭,৯০৫ গৰাকী ভাৰতীয় লোকে ভাৰতৰ নাগৰিকত্ব ত্যাগ কৰি অন্য দেশৰ নাগৰিকত্ব গ্ৰহণ কৰিছিল।

আনহাতে, দ্বৈত নাগৰিকত্ব সম্পৰ্কত ভাৰত চৰকাৰে কোনোধৰণৰ প্ৰস্তাৱ গ্ৰহণ কৰা নাই বুলিও গৃহ মন্ত্ৰ্যালয়ে লোকসভাত স্পষ্ট কৰি দিয়ে।

উল্লেখযোগ্য যে, আমেৰিকা যুক্তাৰাষ্ট্ৰ, আৰবীয় দেশ, উইৰোপ, কানাডা আদি দেশত অধিক পৰিমাণে ভাৰতীয় লোক বিভিন্ন পেছাত জড়িত হৈ আছে।