পৃথিৱীৰ আটাইতকৈ নিঃসংগ মানুহ! কেৰিয়াৰৰ কঠিন সময়ৰ বিষয়ে অনুভৱ ব্যক্ত কৰিলে বিৰাট কোহলীয়ে

টীম ইণ্ডিয়াৰ অধিনায়ক বিৰাট কোহলীয়ে ইংলেণ্ডৰ প্ৰাক্তন ক্ৰিকেটাৰ মাৰ্ক নিকলাছৰ স’তে হোৱা এক সাক্ষাৎকাৰত ব্যক্তিগত বহুতো কথা অৱগত কৰে।

সম্প্ৰতি ইংলেণ্ডৰ বিৰুদ্ধে চলিত টেষ্ট শৃংখলাটোত ব্যস্ত থকা কোহলীৰ বেটৰ পৰা কোনোধৰণৰ বিশেষ ইনিংছ ক্ৰিকেট অনুৰাগীসকলে লাভ কৰা নাই।

ইংলেণ্ডৰ বিৰুদ্ধে ২০১৪ চনৰ পাঁচখনীয়া টেষ্ট শৃংখলাটোতো কোহলী চূড়ান্ত ব্যৰ্থ হৈছিল আৰু এই শৃংখলাটোৰ বিষয়ে স্মৰণ কৰি কোহলীয়ে এই সময়খিনিক তেওঁৰ কেৰিয়াৰৰ সংকটজনক তথা গুৰুত্বপূৰ্ণ সময় হিচাপে অভিহিত কৰিছে।

কোহলীয়ে কয় যে সেই সময়খিনিত তেওঁ ডিপ্ৰেচনত ভুগিছিল আৰু নিজকে ‘পৃথিৱীৰ আটাইতকৈ  নিঃসংগ ব্যক্তি’ যেন অনুভৱ কৰিছিল।

“যেতিয়া আপুনি পুৱা শুই উঠি গম পাইযে আপুনি কোনোধৰণৰ ভাল ৰাণ কৰিবলে সক্ষম নহয়, সেই অনুভৱসমূহ অতি কঠিন।” কোহলীয়ে কয়।

উল্লেখযোগ্য যে নিজৰ ক্ৰিকেট জীৱনৰ আটাইতকৈ কঠিন সময় হিচাপে অভিহিত কৰা উক্ত টেষ্ট শৃংখলাটোত কোহলীৰ বয়স আছিল ২৫ বছৰ।

পাঁচখনীয়া টেষ্টমেচৰ শৃংখলাটোত কোহলীয়ে ১০টা ইনিংছত সংগ্ৰহ কৰিছিল- ১, ৮, ২৫, ০, ৩৯, ২৮, ০, ৭ আৰু ২০।