পশ্চিমবংগত সন্দেহযুক্ত ভাইৰাছজনিত সংক্ৰমণত ২০০ ৰো অধিক পদপথৰ কুকুৰৰ মৃত্যু

পশ্চিমবংগৰ বাংকুৰা জিলাৰ বিষ্ণুপুৰ চহৰত বিগত তিনিটা দিনত ২০০ ৰো অধিক পদপথৰ কুকুৰৰ মৃত্যু হৈছে বুলি বিভাগীয় সূত্ৰত প্ৰকাশ পাইছে।

সন্দেহযুক্ত ভাইৰাছৰ সংক্ৰমণৰ ফলতে এনেদৰে কুকুৰৰ অস্বাভাৱিক মৃত্যু হৈছে বুলি আশংকা ব্যক্ত কৰা হৈছে।

৬০ টা কুকুৰৰ মঙলবাৰে, ৯৭ টা কুকুৰৰ বুধবাৰে আৰু ৪৫ টা কুকুৰৰ বৃহস্পতিবাৰে মৃত্যু হৈছে বুলি জানিব পৰা গৈছে।

বছৰৰ এই সময়ছোৱাত কুকুৰৰ মাজত এনেধৰণৰ ভাইৰাছজনিত সংক্ৰমণ বৃদ্ধি পাই বুলি জিলাখনৰ পশু স্বাস্থ্য বিষয়া সকলে জানিবলৈ দিয়ে।

পশু স্বাস্থ্য বিষয়া সকলে কুকুৰৰ মৃত্যুক লৈ জনসাধাৰণক আতংকিত নহ’বলৈ আহ্বান জনাই ই মানুহলৈ সংক্ৰমিত হোৱাৰ কোনোধৰণৰ সম্ভাৱনা নাই বুলি কয়।

মৃত্যু হোৱা কুকুৰ সমূহৰ পৰা নমূনা সংগ্ৰহ কৰি পৰীক্ষাৰ বাবে কলকাতাৰ পৰীক্ষাকেন্দ্ৰলৈ পৰীক্ষাৰ বাবে প্ৰেৰণ কৰা হৈছে।

আনহাতে, মৃত্যু হোৱা কুকুৰ সমূহৰ মৃতদেহ সমূহ সৎকাৰ কৰা হৈছে।