ক’ভিড-১৯ ভেকচিন গ্ৰহণ কৰি মৃত্যু মণিপুৰৰ মহিলাৰ, মুখ্যমন্ত্ৰীৰ তদন্তৰ আশ্বাস

কভিড-১৯ ভেকচিন গ্ৰহণ কৰি মৃত্যুমুখত পৰিছে মণিপুৰৰ এগৰাকী অংগনৱাড়ী কৰ্মী।

বিষ্ণুপুৰ জিলাৰ ডব্লিউ সুন্দৰী দেৱী (৪৮) নামৰ মহিলাগৰাকীয়ে ১২ ফেব্ৰুৱাৰীত কুম্ভী প্ৰাথমিক স্বাস্থ্য কেন্দ্ৰত ক’ভিড ভেকচিন গ্ৰহণ কৰিছিল।

শুকুৰবাৰে স্বাস্থ্য বিভাগে মহিলাগৰাকীৰ মৃত্যু হোৱা বুলি প্ৰকাশ কৰে।

স্বাস্থ্য বিভাগে জনাইছে যে এটা বিশেষ তদন্তকাৰী দলে কৰিবলগা প’ষ্টম’ৰ্টেমত মহিলাগৰাকীৰ মৃত্যুৰ কাৰণ সৱিশেষ জানিব পাৰিব।

Heard the grievances of family of Anganwandi Worker W. Sundari of Kumbi Terakha, Bishnupur District and expressed my deep condolences. Assured suitable compensation duly considering post mortem reports and instructed for taking strong action against defaulting officials. pic.twitter.com/Ors8QgTkOB

— N.Biren Singh (@NBirenSingh) February 20, 2021

মণিপুৰৰ মুখ্যমন্ত্ৰী এন. বীৰেন সিঙে মহিলাগৰাকীৰ পৰিয়াল সদস্যক লগ ধৰি সমবেদনা জ্ঞাপন কৰি প’ষ্টমৰ্টেমৰ ৰিপ’ৰ্ট অনুযায়ী ক্ষতিপুৰণৰ আশ্বাস প্ৰদান কৰিছে।

উল্লেখযোগ্য যে পৰিয়ালৰ সদস্যই জনাইছে যে মহিলাগৰাকীয়ে ভেকচিন গ্ৰহণ কৰাৰ সময়ত চিকিৎসকসকলক নিজৰ এলাৰ্জিৰ সমস্যাৰ কথা ব্যক্ত কৰিছিল, কিন্তু তাৰ পাছতো ভেকচিন প্ৰদান সম্পন্ন কৰা হৈছিল।