টীয়কৰ শিক্ষাবিদ ৰবীন দুৱৰালৈ ৰাজহুৱা শ্ৰদ্ধাঞ্জলি

যোৰহাট জিলাৰ অন্যতম উচ্চ শিক্ষানুষ্ঠান কাকজান মহাবিদ্যালয়ৰ অৰ্থনীতি বিভাগৰ অৱসৰপ্ৰাপ্ত অধ্যাপক, কাকজান আৰোহন একাডেমীৰ জুনিয়ৰ কলেজৰ ৰেক্টৰ, টীয়কৰ পৰা প্ৰকাশিত “গণবন্ধু” কাকতৰ সম্পাদক আৰু টীয়ক “অৰ্নিবাণ সাংস্কৃতিক গোষ্ঠীৰ” প্ৰাক্তন সভাপতি তথা টীয়কৰ বিভিন্ন সামাজিক অনুষ্ঠানৰ লগত জড়িত বলমা দুৱৰা গাঁৱৰ নিৱাসী ৰবীন দুৱৰাই যোৱা ১৭ ফেব্ৰুৱাৰী নিশা যোৰহাটৰ মিছন হস্পিতালত স্বাস্থ্য জনিত কাৰণত জীৱনৰ শেষ নিশ্বাস ত্যাগ কৰে।

তেখেতৰ আজি আদ্যশ্ৰাদ্ধ দিনা কাকজান মহাবিদ্যালয়ৰ খেলপথাৰত মহাবিদ্যালয়ৰ উদ্যোগত তথা আৰোহন একাডেমী, কাকজান ফুটবল কচিং চেন্টাৰ, কাকজান ক্ৰীড়া সন্থা, আলোক সন্ধানী মঞ্চ, পূৱ যোৰহাট প্ৰেছ ক্লাৱৰ সহযোগত এক ৰাজহুৱা শ্ৰদ্ধাঞ্জলি অনুষ্ঠিত কৰা হয়।

উক্ত শ্ৰদ্ধাঞ্জলি অনুষ্ঠানত টীয়ক তথা কাকজান অঞ্চলৰ বহুসংখ্যক বিশিষ্ট ব্যক্তি তথা অনুষ্ঠান-প্ৰতিষ্ঠান, ছাত্ৰ ছাত্ৰী উপস্থিত থাকি শেষ শ্ৰদ্ধাঞ্জলি জ্ঞাপন কৰি শিক্ষাবিদগৰাকীৰ অমৰ কৰ্মৰাজিক শ্ৰদ্ধাৰে সোঁৱৰে।