১০০ দিন অতিক্ৰমিলে কৃষক বিদ্ৰোহে, হাৰিয়ানাত পাঁচ ঘণ্টাজোৰা পথ বন্ধ প্ৰতিবাদী কৃষকৰ

১০০ দিন অতিক্ৰমিলে দিল্লীৰ কৃষক বিদ্ৰোহেৰে।

কেন্দ্ৰীয় চৰকাৰৰ নতুন কৃষি আইনৰ বিৰোধিতাত দিল্লীৰ সীমান্তসমূহত চলি অহা কৃষক বিদ্ৰোহে ইতিমধ্যে বিশ্বৰ ভিতৰতে এটা উল্লখযোগ্য প্ৰতিবাদ হিচাপে গণ্য হৈছে।

সেই উপলক্ষে শনিবাৰে কৃষকসকলে হাৰিয়ানাৰ কুণ্ডলী-মানেছাৰ-পালৱাল সংযোগী ছয় লেন এক্সপ্ৰেছৱে’ বন্ধ কৰি দিয়ে।

উক্ত পথ বন্ধ কাৰ্যসূচীটো দিনৰ ১১ বজাৰ পৰা আবেলি ৪ বজাৰ ভিতৰত সম্পন্ন কৰা হয়।

কৃষকসকলে ক’লা পতাকা প্ৰদৰ্শন কৰাৰ উপৰিও মহিলা প্ৰতিবাদকাৰীসকলে ক’লা দোপাট্টা পৰিধান কৰি বিজেপি চৰকাৰৰ বিৰুদ্ধে শ্লোগান দিয়ে।

কিছু ঠাইত কৃষকসকলে ঘৰত ক’লা পতাকা উত্তোলন কৰিও প্ৰতিবাদ সাব্যষ্ট কৰে।

শনিপট আৰু জাজ্জাৰ জিলাত ৰাজপথৰ মাজতে কৃষকসকলে ট্ৰেক্টৰ ৰখাই প্ৰতিবাদ কৰে।

তেওঁলোকে নৰেন্দ্ৰ মোদী চৰকাৰক সমালোচনা কৰি নতুন কৃষি আইনকেইখনক ‘ক’লা আইন’ বুলি অভিহিত কৰে।

প্ৰতিবাদকাৰীসকলে কয় যে কেন্দ্ৰই এই আইন তিনিখন উঠাই নোলোৱালৈকে তেওঁলোকে প্ৰতিবাদ কৰি থাকিব।.

এই পথবন্ধ কাৰ্যসূচীটোৰ আহ্বান কৰিছিল সংযুক্তা কিষাণ মৰ্চাই।

কৃষকসকলে জনায় যে পাঁচ ঘণ্টাজোৰা এই কাৰ্যসূচীটো শান্তিপূৰ্ণভাৱে সমাপ্ত হৈছে।