আজি আৰু কাইলৈ বেংকলৈ গৈ নহ’ব একো লাভ , কাৰণ কি জানো আহক

আজি আৰু কাইলৈ অৰ্থাৎ সোমবাৰ আৰু মঙলবাৰে  আপুনি হয়তো বেংকলৈ নোযোৱাই ভাল হ’ব।

কাৰণ এই দুটা দিনত সমগ্ৰ দেশ জুৰি চলিব বেংক কৰ্মচাৰীসকলৰ ধৰ্মঘট।

ৰাষ্ট্ৰীয়কৃত  বেংকসমূহ ব্যক্তিগত কৰাৰ বাবে মদীৰ চৰকাৰে যি পদক্ষেপ গ্ৰহণ কৰিছে সেই পদক্ষেপৰ বিৰোধিতা কৰিয়েই আজিৰে পৰা দুদিনলৈ প্ৰায় ১০ লাখ বেংক কৰ্মচাৰীয়ে ধৰ্মঘটত বহিছে।

দেশৰ নটা আগশাৰীৰৰ বেংকৰ সংগঠন ইউনাইটেড ফ’ৰাম অৱ বেংক ইউনিয়নৰ আহ্বানত দেশৰ সকলোবোৰ ৰাষ্ট্ৰীয়কৃত বেংকৰ কৰ্মচাৰীয়ে ধৰ্মঘটত অংশগ্ৰহণ কৰিছে।

অৱশ্যে HDFC, ICICI,,কোটাক মহিন্দ্ৰা, এক্সিছ বেংক আদিৰ দৰে কেইটামান ব্যক্তিগত খণ্ডৰ বেংকত সেৱা অব্যাহত আছে যদিও ঠায়ে ঠায়ে এনে বেংক সমূহৰ শাখাও বন্ধ হৈ পৰা বুলি জানিব পৰা গৈছে।

বেংকিং সেৱা ব্যাহত হৈ পৰাৰ ফলত গ্ৰাহকে আজি বেংকলৈ গৈ লেন-দেন সম্পৰ্কীয় কোনো কাম কৰিব নোৱাৰিব।

অৱশ্যে এই দুয়োটা দিনতে সকলো বেংকৰ এটিএম সেৱা সক্ৰিয় হৈ থাকিব।

মোদীৰ চৰকাৰে গ্ৰহণ কৰা নতুন বেংক নীতিৰ বিৰোধিতা কৰিয়েই বেংক সমূহৰ সন্মিলিত সংস্থা ইউনাইটেড ফ’ৰাম অৱ বেংক ইউনিয়নে এই ধৰ্মঘটৰ আহ্বান জনোৱাৰ লগতে নতুন বেংক নীতি প্ৰত্যাহাৰ নকৰা পৰ্যন্ত সংস্থাটো ক্ষান্ত নহয় বুলিও ঘোষণা কৰিছে।