পুনৰ দেশজুৰি কৰ’নাৰ আতংক! বিগত ২৪ ঘন্টাত প্ৰায় ৯০ হাজাৰ লোক কোভিড-১৯পজিটিভ

কৰ’না ভাইৰাছৰ দ্বিতীয়টো ঢৌৱে পুনৰ দেশত আতংকৰ সৃষ্টি কৰিছে। যোৱা ২৪ ঘন্টাত দেশত প্ৰায় ৯০ হাজাৰ লোক কৰ’নাত আক্ৰান্ত হৈছে।

আনহাতে, যোৱা ২৪ ঘন্টাত দেশত কৰ’নাত আক্ৰান্ত হৈ ৭১৪জন লোকে প্ৰাণ হেৰুৱাইছে। কালিৰ দিনটোত এই মৃত্যুৰ সংখ্যা আছিল ৪৬৯জন।

কৰ’নাৰ সংক্ৰমণ বৃদ্ধিৰ সমান্তৰালকৈ দেশত কৰ’নাত মৃত্যুৰ সংখ্যাও বৃদ্ধি পাবলৈ লৈছে।

শনিবাৰে পুৱা কেন্দ্ৰীয় স্বাস্থ্য মন্ত্ৰ্যালয়ে দাঙি ধৰা তথ্য অনুসৰি বৰ্তমানলৈ দেশত কৰ’নাত আক্ৰান্তৰ সংখ্যা ১ কোটি ২৩ লাখ ৯২হাজাৰ ২৬০জনলৈ বৃদ্ধি পাইছে।

সেইদৰে কৰ’নাত মৃত্যু হোৱা লোকৰ সংখ্যা বৃদ্ধি পাই ১লাখ ৬৪হাজাৰ ১১০ জন হৈছেগৈ।

দেশত এতিয়া দ্ৰুত গতিত কৰ’নাৰ সংক্ৰমণ ঘটিবলৈ লৈছে। ৰাজ্যসমূহতো কৰ’নাৰ সংক্ৰমণৰ হাৰ বৃদ্ধি পাবলৈ লৈছে।

যোৱা ফেব্ৰুৱাৰিৰ মাজভাগৰ পৰাই কৰ’নাৰ সংক্ৰমণ বৃদ্ধি পাই আহিছে। এপ্ৰিলৰ আৰম্ভণিতেই দেশত ৰেকৰ্ড হাৰত সংক্ৰমণ ঘটিছে।

স্বাস্থ্য মন্ত্ৰ্যালয়ৰ তথ্য অনুসৰি, যোৱা ২৪ ঘন্টাত দেশত ৮৯ হাজাৰ ১২৯জন নতুনকৈ কৰ’নাত আক্ৰান্ত হৈছে। সেইদৰে যোৱা ঘন্টাত কৰ’নাত আক্ৰান্ত হৈ ৭১৪জন লোকৰ মৃত্যু হৈছে।

আনহাতে, যোৱা ২৪ ঘন্টাত দেশত ৪৪হাজাৰ ২০২জন লোকে কৰ’নাৰ পৰা আৰোগ্য লাভ কৰিছে।