ৰাজহুৱা শান্তি শৃংখলা ৰক্ষা! ধুবুৰী জিলাত ফৌজদাৰী বিধিৰ ১৪৪ ধাৰা জাৰি জিলা দণ্ডাধীশৰ

ধুবুৰী জিলাত ফৌজদাৰী বিধিৰ ১৪৪ ধাৰা জাৰি কৰিছে জিলা দণ্ডাধীশে।

জিলা দণ্ডাধীশ দেৱ কুমাৰ কলিতাই সোমবাৰে এই সন্দৰ্ভত এক নিৰ্দেশনা জাৰি কৰে।

ৰাজহুৱা শান্তি আৰু শৃংখলা ৰক্ষাৰ বাবে এই পদক্ষেপ গ্ৰহণ কৰা হৈছে।

এই নিৰ্দেশনাৰ জৰিয়তে ধৰ্ণা বা সমদল বা সভা আয়োজনৰ উদেশ্যে ৰাজহুৱা স্থানত পাঁচজন বা তাতকৈ অধিক ব্যক্তিৰ সমাগমত বাধা আৰোপ কৰা হৈছে।

নিৰ্দেশনা অনুসৰি, অনুমতি অবিহনে কোনো সমদল, সভা, ধৰ্ণা আদিৰ আয়োজন কৰা নিষেধ।

সেইদৰে, মাৰণাস্ত্ৰ, চোকা অস্ত্ৰ আদি কঢ়িওৱাত নিষেধাজ্ঞা আৰোপ কৰা হৈছে।

তদুপিৰ, পথ অৱৰোধ, পিকেটিং, দেৱাল লিখন, পুত্তলিকা দাহ কৰাত নিষেধাজ্ঞা আৰোপ কৰাৰ লগতে পথত, ব্যৱসায় প্ৰতিষ্ঠানত জোৰজুলমকৈ বৰঙণি সংগ্ৰহত বাধা আৰোপ কৰা হৈছে।

আনহাতে, কৰ্তব্যৰত নিৰাপত্তাৰক্ষী, চিকিৎসক বা আন স্বাস্থ্যকৰ্মীক ৰেহাই দিয়া হৈছে।