মানাহ ৰাষ্ট্ৰীয় উদ্যানত মুকলি কৰি দিয়া হ’ল পবিতৰাৰ পৰা স্থানান্তৰিত কৰা দুটা গঁড়
মানাহ ৰাষ্ট্ৰীয় উদ্যানৰ বাঁশবাৰী ৰেঞ্জৰ মাজত মঙলবাৰে পুৱা দুটা গঁড়- এটা প্ৰাপ্ত বয়স্ক মতা গঁড় আৰু এটা মাইকী গঁড় মুকলি কৰি দিয়া হয়।
এই গঁড় দুটা পবিতৰা বন্য প্ৰাণী অভয়াৰণ্যৰ পৰা সম্পূৰ্ণ সুৰক্ষিতভাৱে আনি মানাহ ৰাষ্ট্ৰীয় উদ্যানখনত মুকলি কৰি দিয়া হয়।
মানাহ ৰাষ্ট্ৰীয় উদ্যানৰ ক্ষেত্ৰ সঞ্চালক অমল চন্দ্ৰ শৰ্মাই এই কথা জানিবলৈ দিয়ে।
গঁড় দুটা স্থানান্তৰ কৰাৰ প্ৰক্ৰিয়াত নিয়ম অনুসৰি অসমৰ বন বিভাগৰ কৰ্মী,খানাপাৰ পশু চিকিৎসা মহাবিদ্যালয়, অসম আৰক্ষী, এএফপিএফ, ডব্লিউ ডব্লিউ এফ-ইণ্ডিয়া, ডব্লিউ টি আই, আৰণ্যক আৰু আন সংগঠনৰ সদস্য সকলো আছিল।
গঁড় দুটা প্ৰায় ১৮১ কিলোমিটাৰ কঢ়িয়াই নিয়া কনভয়টো সোমবাৰে পুৱা প্ৰায় ১০-৩০বজাত মানাহ ৰাষ্ট্ৰীয় উদ্যানখনত উপস্থিত হয়।
ইম্ডিয়া ৰাইনো মিছন ২০২০ৰ অধীনত এইটো আছিল অষ্টম পৰ্যায়ৰ স্থানান্তৰকৰণ।
এই গঁড় দুটা মুকলি কৰাৰ পাছত উদ্যানখনত মুঠতে এতিয়ালৈকে এই কাৰ্যসূচীৰ অধীনত ২২টা গঁড় স্থানান্তৰ প্ৰক্ৰিয়া সম্পন্ন হ’ল।
গঁড় দুটা মুকলি কৰি দিয়া এই সমস্ত কাৰ্যসূচীটো বিটিচিৰ বন বিভাগৰ বিষয়া অনিন্দ স্বৰ্গীয়াৰীৰ তত্ত্বাৱধানত বিশেষজ্ঞসকলৰ উপস্থিতিত সম্পন্ন কৰা হয়।
মুকলি কৰা অভিযানটো পুৱা প্ৰায় ৭বজাত আৰম্ভ কৰা হয় আৰু সেই একেসময়তে গঁড় দুটাক বনাঞ্চলত এৰি দিয়া হয়।
এটা বিশেষজ্ঞ দলক মানাহত স্থানান্তৰ কৰা গঁড়ৰ ওপৰত নিয়মিত নিৰীক্ষণৰ দায়িত্ব অৰ্পন কৰা হৈছে।
You may also like
দেশত আন এটা অভাৱনীয় ঘটনা! জে এন য়ুৰ চৌহদত প্ৰৱেশ কৰি দলবদ্ধ আক্ৰমণ ABVP-ৰ
উচ্চ শিক্ষাৰ ক্ষেত্ৰত দেশৰ ভিতৰতে খ্যাতিমান প্ৰতিষ্ঠান জে এন য়ুৰ চৌহদত আজি এদন অচিনাক্ত গুণ্ডাৰ দলে প্ৰৱেশ কৰি ছাত্ৰ-ছাত্ৰী আৰু শিক্ষক-শিক্ষয়িত্ৰীক আক্ৰমণ…
গুজৰাটত প্ৰথম পৰ্যায়ৰ বিধানসভাৰ নিৰ্বাচনৰ ৩৬৩ খন মনোনয়ন নাকচ
গুজৰাটত ১ আৰু ৫ ডিচেম্বৰত দুটা পৰ্যায়ত অনুষ্ঠিত হ’ব বিধানসভা নিৰ্বাচন । নিৰ্বাচনৰ পিছতে ৮ ডিচেম্বৰত অনুষ্ঠিত হ’ব ভোটগণনা। ৰাজ্য খনৰ ১৮২…
এখন দেশ, একেই ঐক্য পোছাক! সকলো ৰাজ্যৰ আৰক্ষী কৰ্মীয়ে একে পোছাক পিন্ধাৰ পোষকতা প্ৰধানমন্ত্ৰী মোদীৰ
হয়তো শীঘ্ৰেই সমগ্ৰ দেশৰ আৰক্ষীয়ে একেই ইউনিফৰ্ম অৰ্থাৎ ঐক্যপোছাক পিন্ধিব। প্ৰধানমন্ত্ৰী নৰেন্দ্ৰ মোদীয়ে এই প্ৰস্তাৱেই দিছে। এক ৰাষ্ট্ৰ, এটা ৰেচনৰ পিছত, এইবাৰ…
স্কিজ’ফ্ৰেনিয়া বংশগত ৰোগ নেকি? জানো আহক কি কৈছে বিশেষজ্ঞই
যদি পিতৃ বা মাতৃ কোনো এজন স্কিজ’ফ্ৰেনিয়া ৰোগত আক্ৰান্ত হয় তেন্তে শিশুৰ এই ৰোগ হোৱাৰ সম্ভাৱনা ১২ শতাংশ। যদি পিতৃ-মাতৃ দুয়োজনেই আক্ৰান্ত…