উত্তৰ পূৱ সীমান্ত ৰে’লৱেৰ ভাৰোত্তোলক মীৰাবাই চানুৰ নতুন অভিলেখ স্থাপন

পদ্মশ্ৰী বঁটা বিজয়ী ভাৰোত্তোলক তথা উত্তৰ পূৱ সীমান্ত ৰে’লৱেত কৰ্মৰত মীৰাবাই চানুৱে শনিবাৰে ঐতিহাসিক চহৰ তাচখণ্ডত ১১৯ কিলোগ্ৰামৰ উত্তোলনৰ সৈতে মহিলাৰ ৪৯ কিলোগ্ৰাম ক্লিন এণ্ড জাৰ্ক ইভেন্টত এক নতুন অভিলেখ গঢ়িছে।

চানুৱে ২০২১ৰ ১৬-২৫ এপ্ৰিল পৰ্যন্ত উজবেকিস্তানৰ তাচখণ্ডত অনুষ্ঠিত এছিয়াৰ ভাৰোত্তোলন চেম্পিয়নশ্বিপ (এ গ’ল্ড লেভেল অলিম্পিক কোৱালিফাইং ইভেন্ট)ত ব্ৰঞ্জৰ পদক লাভ কৰিছে।

চানুৱে ২০৫ কিলোগ্ৰাম(৮৬+১১৯)ৰ এক ব্যক্তিগত নতুন অভিলেখ গঢ়িবলৈ সক্ষম হৈছে।

চলিত বছৰত এয়া চানুৰ প্রথম প্রতিযোগিতা আছিল। চানুৰ পূৰ্বৰ শ্ৰেষ্ঠ প্ৰদৰ্শন আছিল ২০৩ কিলোগ্ৰাম, যিটো তেওঁ যোৱা বছৰ ফেব্ৰুৱাৰিত কলকাতাত অনুষ্ঠিত ৰাষ্ট্ৰীয় চেম্পিয়নশ্বিপত অৰ্জন কৰিছিল।

২৬ বছৰীয়া প্রাক্তন বিশ্ব চেম্পিয়নগৰাকীয়ে ১১৯ কিলোগ্ৰাম উত্তোলনৰ চুড়ান্ত প্ৰচেষ্টাত ব্ৰঞ্জৰ পদক অৰ্জনেৰে এক নতুন অভিলেখ গঢ়িবলৈ সক্ষম হয়।

ইয়াৰ পূৰ্বৰ অভিলেখ আছিল চীনা লিফ্টাৰ জিয়াং হুইহুয়াৰ নামত, তেওঁ উত্তোলন কৰিছিল ১১৮ কিলোগ্ৰাম।