জনপ্ৰিয় কন্ঠশিল্পী জুবলি বৰুৱা কোভিড পজিটিভ; সকলোকে সজাগ হ’বলৈ আহ্বান

ৰাজ্যৰ চাৰিওদিশে এতিয়া ক’ৰ’নাৰ ত্ৰাস। দৈনিক গড়ে দুহেজাৰতকৈ অধিক লোক আক্ৰান্ত হৈছে ক’ৰ’নাত।

তেনে সময়তে জনপ্ৰিয় কন্ঠশিল্পী জুবলি বৰুৱা ক’ৰ’নাত আক্ৰান্ত হৈছে।

এক ফেইচবুক পোষ্টযোগে জুবলিয়ে জনাইছে এই কথা।

বিয়লি ভাগত তেওঁৰ দেহত ধৰা পৰে মাৰাত্মক কোভিড-১৯ ভাইৰাছৰ উপস্থিতি।

অৱশ্যে, তেওঁ ক’ত চিকিৎসাধীন হৈ আছে সেই কথা ফেইচবুক পোষ্টত উল্লেখ কৰা নাই।

ফেইচবুক পোষ্টত তেওঁ উল্লেখ কৰা মতে তেওঁৰ দেহ বৰ্তমান সুস্থিৰ যদিও সামান্য পৰিমাণৰ মূৰৰ বিষ আৰু দুৰ্বলতা আছে।

তেওঁ লগতে লিখি কয় কয় ‘মই যিহেতু বহু জন সমাগমৰ মাজত মোৰ সংগীতানুষ্ঠান কৰিছিলো গতিকে মোৰ পৰা যাতে বেলেগলৈ নিবিয়পে সেই কথা ভাবি আজি টেষ্ট কৰাইছিলো।‘

উক্ত ফেইচবুক পোষ্টৰ জৰিয়তে তেওঁৰ সংস্পৰ্শলৈ যোৱা ৬-৭ দিনৰ ভিতৰত অহা সকলোকে কোভিড টেষ্ট কৰাবলৈ আহ্বান জনায়।

টেষ্ট কৰালে কোনো যদি পিজিটিভ আহে তেন্তে ভয় খাবলৈ তেওঁ মানা কৰাৰ লগতে সকলোকে সজাগ হৈ থাকিবলৈ জুবলিয়ে অনুৰোধ জনায়।

উল্লেখ্য ১৭ এপ্ৰিলত গায়িকাগৰাকীয়ে গুৱাহাটীৰ সোণাৰাম খেলপথাৰত সংগীতানুষ্ঠান পৰিবেশন কৰিছিল বুলি জানিব পৰা গৈছে।