গোলাঘাটত ক’ভিড আক্ৰান্তলৈ সহায়ৰ হাত আগবঢ়াইছে বিধায়ক মৃণাল শইকীয়াই

কৰ্মসংস্কৃতিৰে এক আদৰ্শ হৈ পৰা এজন ব্যক্তি ,যি সমষ্টিবাসীৰ বাবে হৈ পৰিছে ত্ৰাণকৰ্তাস্বৰূপ।

সমষ্টিবাসীৰ প্ৰত্যেকটো বিপদত যি কাষত থিয় হৈ হাতে-কামে সহায়ৰ হাত আগবঢ়াই আহিছে। ক’ভিড অতিমাৰীয়ে ভয়াবহ ৰূপ ধাৰণ কৰা এনে জটিল সময়ত নিৰ্বাচনৰ পিছদিনাৰে পৰা নিজৰ কৰ্তব্যৰ পৰা পিছ পৰি ৰোৱা নাই।

ক’ভিডৰ কৱলৰ পৰা মানুহক যেন উদ্ধাৰ কৰাত ব্যস্ত হৈ পৰিছে বিধায়ক মৃণাল শইকীয়াই।

সমগ্ৰ জিলাখনত বৰ্তমান দুই সহস্ৰাধিক লোক এই মাৰাত্মক ভাইৰাছত আক্ৰান্ত হোৱাৰ বিপৰীতে ১৫ জনকৈ লোকৰ মৃত্যু ঘটিছে ।

গোলাঘাট জিলাৰ খুমটাই বিধান সভা সমষ্টিৰ হাবিছোৱা গাঁও পঞ্চায়তৰ অন্তৰ্গত শাওঁতলী চাহ বাগিচাৰ ৮-৯ ৱাৰ্ড কণ্টেইণ্টমেণ্ট জ’ন হিচাপে ঘোষণা কৰাৰ পিছত চাহ শ্ৰমিক সকলৰ কাষত থিয় হৈ পৰিস্থিতিৰ বুজ লৈ অত্যাৱশ্যকীয় খাদ্য সামগ্ৰী যোগান ধৰে ।

বাগিচাখনৰ ১৬০ টা শ্ৰমিক পৰিয়ালক খাদ্য সামগ্ৰী যোগান ধৰাৰ উপৰি গৰঙা চাহ বাগিছাৰ ৭ টা পৰিয়াল ক’ভিডত আক্ৰান্ত হোৱাত সমূহ পৰিয়ালকো খাদ্য সামগ্ৰী যোগান ধৰে ।

ইয়াৰোপৰি সমষ্টিটোৰ ঢেকিয়াল, খুমটাই আদি ভিন্ন অঞ্চলত হোম আইচ’লেশ্বনত থকা পৰিয়ালৰ লোকক খাদ্য সামগ্ৰী প্ৰদান কৰে ।

উল্লেখ্য যে , যোৱা দুদিন পূৰ্বে বিধায়কজনে সমষ্টিবাসীলৈ আগবঢ়াইছিল এখন ক’ভিড কেয়াৰ  এম্বুলেঞ্চ ভান।