ডিমাপুৰত চিকিৎসকৰ ওপৰত দুৰ্বৃত্তৰ আক্ৰমণ: ৬ জনক গ্ৰেপ্তাৰ

যোৱা ৩০ নৱেম্বৰৰ নিশা ডিমাপুৰত এজন চিকিৎসকৰ ওপৰত আক্ৰমণৰ ঘটনা সংঘটিত হয়। আক্ৰমণৰ বলি হোৱা ডাঃ অংগুকাটো ডিমাপুৰৰ পুদামপুখুৰী নিবাসী। উক্ত ঘটনাৰ লগত জড়িত ৬ জনক গ্ৰেপ্তাৰ কৰা হৈছে বুলি জানিবলৈ দি ডিমাপুৰ আৰক্ষীয়ে লগতে কয় যে আটাইকেইজন অভিযুক্তই অনা নগা সম্প্ৰদায়ৰ লোক। নাগালেণ্ড কাউঞ্চিল ডিমাপুৰে উক্ত ঘটনাক তীব্ৰ ভাষাৰে গৰিহণা দিয়াৰ লগতে বৰ্তমান ডিমাপুৰ এখন অপৰাধ নগৰীলৈ পৰিণত হৈছে বুলি উদ্বেগ প্ৰকাশ কৰে। এই ধৰণৰ বেছি ভাগ ঘটনাই বাহিৰৰ পৰা অহা  বিশেষকৈ সন্দেহযুক্ত বাংলাদেশী সকলৰ দ্বাৰা সংঘটিত হৈ আহিছে বুলি মন্তব্য কৰি এন ছি ডিৰ সাধাৰণ সম্পাদকগৰাকীয়ে অতি সোনকালে দোষী সকলক কৰায়ত্ত কৰিবলৈ প্ৰশাসনক দাবী জনায়।